Vwnzyi Veibau Comzyienj Angqhoh Cingsih Laeb Si

12 nyied 11 hauh banhaemh, Cingsih laeb si vwnzyi veibau comzyienj youq Cingsih Yinzminz Veidangz banh. Gyoengq yenjyenz daj ndaw gih rog gih caeuq Yeznanz daeuj haenx, vih hekyouz caeuq vunzlai Cingsih daiq daeuj ciengz comzyienj ndeiyawj he.

Comzyienj youz gofoux 《Gyaeundei Gaenjcoi》 hainduj yienj, riengzlaeng, biujyienj ciengq 《Ahlili》、Yeznanz diengimz biujyienj 《Roenloh Dauqranz》、 cingzgingj doiqfwen 《Aendomq Dahnuengx》、 saucoz gagciengq 《Mbanjcuengh Gyaeundei》daengj cezmuz ndeiyawj cug aen hwnjdaiz yienj.

Ciuq cam rox, bi 2012, Cingsih hainduj guh hong doiq yienh laeb si. Bineix 8 nyied 5 hauh, Guekgya Minzcwngbu cingqsik baecinj Cingsih doiq yienh laeb si, Cingsih baenz Baksaek Si aen daih’it yienhgaep si, hix dwg Guengjsae aen daihbet yienhgaep si.(Veiz Caijbingz/韦彩坪)