12 nyied 10 hauh, Sanhgyangh Dungcuz Swciyen Fuluz Yangh minzcuz doxgiet diemjguhyiengh yizsi nem cingzcaen henzgyaiq hozdung youq aen yangh neix Fuluz Cunh Mbanjdwnghsai banh. Dangngoenz hozdung seiz, gyoengq vunzmbanj dieg henzgyaiq yanghcin gungh 200 lai boux doxcomz youq giz haenx, doenggvaq diuq dohyeh、 boq aenvenz、 ciengq Godung daengj fuengsik, danqciengq minzcuz doxgiet, senhconz swnghdai lajmbanj, doicaenh haiguh hong henzgyaiq huzndei.

Gaenh geij bi neix daeuj, Fuluz Yangh doenggvaq haiguh “laeuzgyong daudwz gyangjdangz” “lajmbanj gyaeundei comzyienj” daengj lai cungj hozdung, haiguh henzgyaiq vwnzmingz doxgyau, coicaenh dieg henzgyaiq huzndei caeuq onjdingh, doidoengh dieg henzgyaiq ginghci hwngfat、 ndawbiengz cinbu.

(Gunj Yicungh/滚亿忠 Cau Yocuz/赵若竹)