唐卫革没有能咸鱼翻身，起死回生，不到两分钟就把那点钱输光了。于是他悻悻地站起来，恼羞成怒地说：“不X玩了，老艾来了我老是输。”

艾鲁志不小心变成了唐卫革输钱的替罪羊，心里虽说不服气，但嘴上却说：“不好意思啊，不然我请大家吃个饭吧。”

“不得。让赢家请。”唐卫革板着脸说。

赢家蔡老板和田教授并不理会唐卫革，他们都一边站起来，一边提着裤头，一个说岳父住院了要去看，一个称晚上另外有饭局，撇下其他三个人走了。

另一个输家李总脸色也不好看，嘟囔说：“妈的，场地水电费也不给就走了，怎么会有这种人。”

艾鲁志从李总的骂声中突然领悟，这个幽静之所应该是他的地盘。这些年老板们赚钱了都会自己搞个会所什么的，吃吃私房菜，喝喝功夫茶，打打拖拉机，写写书法。既然是李总的地盘，接下来应该是炒两个菜，在这里解决晚饭了。然而艾鲁志想错了，李总站起来把手包夹在腋下，说：“艾老板，好久不见，你请我们去吃顿鱼生吧。”

三个人出了阿拉斯顿小区，拐了个弯，就到了一间河鲜馆。李总显然是这里的常客，一口气点了六盘兰刀鱼生，要了三支八两装二锅头，三个人边喝边聊起来。

艾鲁志并不晓得，自从那天晚上他和艾文生碰面之后，艾文生又跟阿捞和刘富泰在烧烤摊喝上了。三个人都是熟人，而且酒量都不相上下，几瓶啤酒下肚后，都不约而同地对艾鲁志的债务发生了兴趣。聊着聊着，三个人都一致认为，光靠艾鲁志的力量是不可能追到这笔巨额欠款的。原因很简单，艾鲁志像条阉狗，生性软弱怯懦，而黄福高是个老滑头，还是条赖皮狗，要是没有别人帮忙，阉狗不可能斗得过赖皮狗，搞不好还被咬了。

最后他们决定，用软硬两手来对付黄福高，先软后硬，一步一步来，待追到钱款了再跟艾鲁志谈分成。艾文生经常接触黑道，略知民间高手如何追债的手段，于是他自荐担任幕后指导，由阿捞和刘富泰出面实施。

第二天上午，阿捞不晓得从哪里请到一男一女两名歌手，在火亮山黄福高家的小巷口搭起了歌台，迅速引起了众人围观。

中年男歌手唱道：“阿妹呀／桂西北有条驮娘江／驮娘江边有火亮山／火亮山有个黄福高／黄福高是个大老板／哎呀咧／黄福高是个大老板。”

青年女歌手接着唱道：“阿哥呀／妹只听讲过狐狸滑／没想有人更比狐狸滑／妹只听讲过老狗癞／没想有人更比老狗癞／哎呀咧／这条老狗就是黄福高。”

二人合唱：“借钱还钱是天理／福高老板你莫赖／就算你已变泥鳅／下地三尺挖出来／劝你欠债莫再赖／小心死后无棺材。”

歌声唱罢，迅速引起众人一阵欢呼和骚动。阿捞趁机将一叠印刷品在人堆里一一分发，这是阿捞请笔杆子夜里写的，说的是一桩桩事实，字字如尖刀，行行如匕首，直指黄福高赖账的本质。众人看了，都禁不住一片哗然，有的甚至发出愤怒的遣责声。

阿捞他们闹腾了大半早上，把城管和公安都招惹来了，但一看见是熟人，而且是讨债的，便都假意劝了几句，又都收队回去了。下午，阿捞和刘富泰不知从哪里牵来一只藏獒，直奔黄福高家的小楼。大狼狗闻到动静，便汪汪地一阵狂叫，藏獒并不理会狼狗，只是端坐在院子里，面朝楼门，似乎是在等待那两扇门一开就扑将进去。

他们敲了半天楼门，里边除了狗犬并没有什么动静。阿捞急得没法子了，打电话给艾文生，问他怎么办，能不能请人来打开门，先让藏獒把狼狗咬死，然后占领小楼。

艾文生说：“不行。你晓得什么是私闯民宅吗？那是要犯法的。”

“那怎么办？”阿捞说。

“你们搬一朵太阳伞、一张桌子和几张椅子过去，在院子里等，有人来了就冲进去。我叫人送点啤酒和烧烤给你们。”艾文生说。 （十一）

Dangz Veigwz man mbouj ndaej bonj, mbouj daengz song faencung couh saw gij ngaenz neix liux lo. De doeknaiq dwk ndwn hwnjdaeuj, heiqndat naeuz:“Mbouj dwk lo，Laujai daeuj le gou cungj dwg saw.”

Ai Lujci ngaiz Dangz Veigwz gvaiq, ndawsim gig mbouj fugheiq, hoeng ndaw bak cix naeuz:“Mbouj ndei eiqsei ha, mboujne gou cingj daihgya bae gwn caeuz ba.”

“Mbouj ndaej. Hawj bouxhingz cingj.”Dangz Veigwz najsaep dwk naeuz.

Bouxhingz Cai lauxbanj caeuq Denz gyausou mbouj leixlangh Dangz Veigwz, gyoengqde doq ndwn hwnjdaeuj doq riuj gyaeujvaq, boux he naeuz bohda louzei yaek bae yawj, boux he naeuz miz vunz cingj gwn caeuz lo, vut sam boux gag youq couh ok dou bae.

Lij cungj saw ngaenz le saeknaj hix mbouj baenz yawj, damz naeuz:“Meh de, ngaenzco ngaenzdienh cungj mbouj hawj couh byaij lo, baenzlawz miz cungj vunz neix.”

Ai Lujci dingqnyi Lij cungj baenzneix ndaq，gujsuenq gizneix dwg gizdieg Lij cungj. Geij bi neix gyoengq lauxbanj canh ngaenz le cungj maij hai aen veisoj he, cawj byaek, gwn caz, dwk bej, sij sawfap. Gawqyienz dwg gizdieg Lij cungj, gaendwk wngdang dwg ceuj song aen byaek, youq gizneix gwn caeuz lo. Hoeng Ai Lujci siengj loek lo, Lij cungj ndwn hwnjdaeuj geb aen daeh daengz lajeiq, naeuz:“Ai lauxbanj, haujlai nanz mbouj raennaj lo, mwngz cingj gyoengqsou bae gwn canq byaseng he ba.”

Sam boux ok Ahlahswhdun Siujgih le, yaepyet couh daengz dieggwn. Lij cungj lumjbaenz dwg heksug, baez he couh diemj roek deb byaseng byalanzdau, aeu sam bingz laeujget, sam boux menh gwn menh gangjgoj.

Ai Lujci mbouj roxyiuj, daj haemh haenx bungz Ai Vwnzswngh le, Ai Vwnzswngh youh bae caeuq Daeglauh、 Liuz Fudai ndoet laeuj gwn nohgangq. Sam boux doxsug, bouxboux cungj ndoet ndaej laeuj, geij bingz laeujbizciuj roengz dungx le, couh lwnh daengz gij saeh Vangz Fuzgauh yiemq ngaenz Ai Lujci haenx. Lwnh dwk lwnh dwk, sam boux cungj nyinhnaeuz, baengh Ai Lujci boux he gyaep mbouj dauq baenzlai ngaenz. Aenvih Ai Lujci lumj duzma ngaiz iem nei, mbei nyaeq hwet unq, hoeng Vangz Fuzgauh lumj duzma bag nei ganvad raixcaix, danghnaeuz mboujmiz vunz bang, maiem daeuq mbouj gvaq mabag, ngaiz haeb lijcaengz rox dem.

Doeklaeng gyoengqde gietdingh, yungh unq geng song cungj fuengfap bae doiqfouq Vangz Fuzgauh, sien unq caiq geng, baez yamq baez yamq byaij, caj gyaep ndaej ngaenz le cij caeuq Ai Lujci gangj baenzlawz baen ngaenz. Ai Vwnzswngh ok geiqmaeuz, Daeglauh caeuq Liuz Fudai okrengz.

Ngoenz daihngeih banhaet, Daeglauh mbouj rox daj gyawz cingj daeuj mbwk sai song boux canghfwen, youq bak hongh Byahojliengh ranz Vangz Fuzgauh baij aen daiz he eu fwen, haujlai vunz cungj humx gvaqdaeuj yawj nauhyied.

Canghfwen bouxsai eu:“Dahnuengx ha/Gveiq saebaek miz diuz Dahdozniengz/Henz Dahdozniengz miz Byahojliengh/Vangz Fuzgauh dwg daih lauxbanj/Ndei lovei/Vangz Fuzgauh dwg daih lauxbanj.”

Dah canghfwen gaendwk eu:“Daeggo ha/Nuengx nyi nyaenma ceiq ganvad/Lajbiengz miz vunz beij de yak/Nuengx caenh dingqnyi ma baenz nyan/Gwnzbiengz lij miz vunz baenz bag/Ndei lovei/Ndaek haenx couh dwg Vangz Fuzgauh.”

Song vunz hab eu:“Ciq cienz boiz cienz cij baenz vunz/Fuzgauh lauxbanj gaej mumjgyumq/Couh suenq mwngz bienq duzbyalae/Vat mwngz okdaeuj coq rek dumj/Yienq mwngz vaiqdi daeuj boiz ngaenz/Gaej aeu daibag bouxboux ndaenq.”

Eu sat, vunzlai cungj riuhaha. Daeglauh swnhgei dawz gij caizliuh ngoenzlwenz cingj vunz sij Vangz Fuzgauh baenzlawz yakrwix baenzlawz yiemq ngaenz haenx fat hawj daihgya yawj. Vunzlai baez yawj, cungj ndaq Vangz Fuzgauh mbouj baenz vunz.

Daeglauh gyoengqde nauh baenz buenq ngoenz, singzguenj caeuq gungh’anh cungj ciu gvaqdaeuj lo, hoeng raen dwg vunzsug, youh dwg aeu caiq, gyajcang yienq geij coenz, couh dauqbae liux. Banringzgvaq, Daeglauh caeuq Liuz Fudai mbouj rox daj gyawz yien daeuj duz macang’auz he daengz naj laeuz Vangz Fuzgauh. Ma’ngauz nyi bakdou miz singyaem, couh raeuqvouxvoux, macang’auz cix mbouj leixlangh de, caenh dwg naengh youq ndaw hongh, yawj coh bakdou laeuz, lumjbaenz caj aen dou baez hai couh coemj gvaqbae nei.

Gyoengqde bongx dou baenz buenq ngoenz, ndawde cawzbae ma raeuq le cungj mbouj raen miz maz doenghdanh. Daeglauh gip dwk dajdienh hawj Ai Vwnzswngh, cam de baenzlawz guh, cingj vunz daeuj geuh dou baenz mbouj baenz, sien hawj macang’auz haeb dai Ma’ngauz gonq, caiq haeuj ndaw louz bae youq.

Ai Vwnzswngh naeuz:“Mboujndaej. Geuh haeuj ranz bouxwnq ngaiz naengh gam bw sou rox lwi? ”

“Baenzlawz banh ne?”Daeglauh cam.

“Sou buen aen liengjlaux he、aen daiz he caeuq geij aen eij gvaqbae，youq ndaw hongh caj，miz vunz daeuj couh cung haeujbae. Gou heuh vunz soengq di laeujbizciuj caeuq nohgangq he hawj sou.”Ai Vwnzswngh naeuz. (11)