Miz geij baez de daj aen siujgih he dajdienh hawj bouxwnq, naeuz swhgeij youq gijmaz gijmaz siujgih, doeklaeng bouxde cungj laihnaeuz de youq rog guek. De mbouj rox gyoengqde guhmaz hawj diegyouq an gij coh baenzneix, mboujgvaq de roxyiuj, gijneix cungj dwg canghfungsij bang an. Bihaenx de caeuq Vangz Fuzgauh doxgap hai gunghswh, hix dwg cingj vunz bang an coh,gvaqlaeng de cij rox, an aen coh neix couh hawj bouxwnq 20 fanh maenz.

Ai Lujci youq bakdou dajdienh hawj Dangz Veigwz.Ciuq Dangz Veigwz dazyinx, de swnhleih ra daengz 12 doengh 2 danhyenz, nyaenj lingzdou le haeuj daengz ndaw laedienh. Caenhguenj songde haemq sug, hoeng seizneix Dangz Veigwz lijdwg gingjgaeh raixcaix, aenvih gij vunz maij guh gij saeh neix cungj roxyiuj, dingzlai vunz ngaiz gaemh haeujbae haenx cungj dwg ngaiz baengzyoux gauq. Mwhhaenx Vangz Fuzgauh daiq de daeuj caeuq Dangz Veigwz guhcaemz, de itbuen cungj dwg youq henznden yawj nauhyied. Hainduj Vangz Fuzgauh gyoengqde dwg dwk samgoeng, nanz mbouj nanz de hix at mbat ngaenz he, miz saekseiz bouxwnq saw lai le roxnaeuz dajdienh, hawj de lawh yaep he, de hix dwg mbouj saw mbouj hingz. Gvaqlaeng Vangz Fuzgauh gyoengqde haep bej, daeuq dicuj, baez saw baez hingz couh song sam fanh maenz, mbouj hung mbouj iq. Hoeng danghnaeuz miz vunz siengj heuh de dwk bej, de dingzlai cungj mbouj gamj dwk. Daxboh caengz dai gaxgonq naeuz hawj de ciuhvunz gaej guh seiq yiengh: It dwg gaej guhdoj, ngeih dwg gaej bae biuz, sam dwg gaej supdoeg, seiq dwg gaej cuengq gauhlidai. Daxboh baenzneix son miz yienzaen, daxgoeng de gaxgonq ciepswnj gvaq faenh cojnieb he, youq Bwzvah Si Maxdaeuz Gai miz haj、roek aen bouqdiemq, baengh sou ngaenzco couh ndaej gvaq saedceij ndei lo. Hoeng, daxgoeng mboujdanh cit iennaez, lij maij guhdoj, yaek gaijfang mboujdanh dawz bouqdiemq cungj daejat hawj bouxwnq liux, lij yiemq haujlai ngaenz dem. Ndeigvaq gaijfang le gimq iennaez, bouxcaiqcawj daxgoeng hix cungj ngaiz gaemh haeuj ndaw gam bae liux, hoeng daxgoeng daengx ndang caenh dwg naeng bau ndok guh mbouj baenz hong lo, daiq daengx ndang bingz hauxseng couh gvaqseiq lo. Yienznaeuz daengz daih daxboh le cungj mboujmiz gijmaz doxgaiq ngengh hawj vunz yawj, hoeng daxboh guhvunz cingqdangq, guhsaeh mingzbeg, soqlaiz mbouj guh saek yiengh saehyak saehrwix, gijneix de cungj sim’onj dangqmaz.

Dangz Veigwz miz di maij caeuq Ai Lujci doxgyau, dwg aenvih daxmeh Dangz Veigwz bigonq doengh soujsuz, lij caz ok lumjbaenz bienq bingh- aizcwngq dem, aeu ciengzgeiz gwn faenjlingzcih cij baenz. De couh dwg cienmonz gaicawx huqduj lo, rox gwnz Byaginzvangz baihsaebaek Guengjsae miz raetlingzcih, baenzneix de couh soengq geij hab hawj Dangz Veigwz, daxmeh de gwn le bingh ndei haujlai. Gvaqlaeng Dangz Veigwz gagnyinh mbouj ndei eiqsei caiq beg aeu gij doxgaiq de, swhgeij cigciep heuh aen cangj haenx geiq gvaqdaeuj, Ai Lujci lij mbouj lumz bang de gangj gyaq, mbaet ndaej haujlai ngaenz. Daengz seizneix, de cungj mbouj rox Dangz Veigwz guh gijmaz hong, caenh gingciengz dingq de gangj “ndaw daiz”“ndaw daiz”， hix mbouj rox dwg gijmaz daiz. Lumjbaenz daihgya cungj nyinh de dwg sengj densidaiz, mboujgvaq daihgya cungj mbouj gangj okdaeuj. Gyoengqvunz caeuq de dwk bej haenx hix dwg baenzneix, miz boux heuh Cai lauxbanj, miz boux heuh Lij cungj, miz boux he heuh Denz gyausou. Ai Lujci caeuq gyoengqde cungj mbouj aiq sug, yienhnaeuz cungj doxrox dienhvah, hoengh mboujmiz saek boux daj gvaq.

Ok laelaeuz le youh haeuj aen doudiet he, Ai Lujci cij rox gizneix dwg aen vwnzva veisoj seivunz he, ciemq baenz song dauq fuengz. Baez yawj couh rox ranzcawj maij sawfap deugaek nem soucomz huqgeqlaux, mbangj funghranz rangfwtfwt, mbangj funghranz baij rim gak cungj gvihgyaq bohliz. Dangz Veigwz daiq de haeuj ndaw funghranz gwn caz he bae, henz bakdou baij aen daizgwncaz yungh goenq faexhoengz deu baenz he, henz conghcueng dwg aen daizmazcieng hung he.

Dangz Veigwz daiq Ai Lujci daengz henz daizmazcieng, de yawjraen lij miz sam bouxvunz naengh youq gizhaenx, de caenh roxnaj boux he heuh Lij cungj, song bouxwnq mbouj roxnaj. Lij cungj yawj de naeuz:“Ai lauxbanj mwngz dwk lwi?”

Ai Lujci ngauzngauz gyaeuj:“Mbouj dwk， mbouj dwk. Sou gag dwk ba.”

“Baenzneix mwngz bang raeuz swiq bej ba.”Dangz Veigwz naeuz.“Baihhaenx miz raemxcaz swhgeij dauj.”

Ai Lujci bang Dangz Veigwz gyoengqde swiq bej song diemj lai cung, gingqyienz ndaej souraemx cien lai maenz. Mwh bouxhingz ndaej cienz cungj daihfueng raixcaix, baez hawj couh bak song bak. Dangz Veigwz baeznduj couh hawj de baenz song bak maenz. Haidaeuz de lij mbouj ndei eiqsei coq ngaenz haeuj ndaw daeh bae, gvaqlaeng ndaej lai le couh seiz mbouj seiz laeglemx yo hwnjdaeuj.

Dangz Veigwz coenz vah he daihgya couh mbouj guhdoj lo. Dangz Veigwz fanh haj maenz ngaenzhau cungj saw liux, lij dajsuenq ciq Ai Lujci di he dem, mboujgvaq Ai Lujci lingzsingj, gangj- naeuz swhgeij mbouj daiq ngaenzhau, cijndei dawz cien lai ngaenzraemx cungj hawj de liux.(10)

有好几回他从某个小区给别人打电话，称自己在什么什么小区，结果人家都以为他身在海外。他完全弄不懂那些人为什么会这样给楼盘起名，不过他晓得，这都是有文化的风水师起的。当年他和黄福高合伙办公司，也是请人帮起的名字，后来他得知，光起名字就给了人家20万。

艾鲁志在大门口又给唐卫革打了一次电话。按照唐卫革的指引，他顺利地找到A区12栋2单元，摁响了电子门铃，进入电梯间。尽管他们之间比较熟，但在这种时候唐卫革警惕性仍然很高，因为有这种爱好的人都晓得，多数人被抓进去的几乎都是被所谓朋友出卖了。当初黄福高带他来跟唐卫革他们玩，他一般只在旁边看热闹。开始时黄福高他们是玩三公，久不时他也会跟押一下注，有时候别人输多了或借口打电话之类的，让他顶替打一会，这样他基本上是小输小赢。后来黄福高他们又玩梭哈，玩斗地主，一次输赢两三万，不大不小。但是如果有人想请他玩牌，他基本上是不敢玩的。父亲死前曾经对他有过四诫：一不能赌，二不能嫖，三不能吸毒，四不能放高利贷。父亲这么教训他是有原因的，他的祖父曾经继承过一份不错的祖业，在百花市码头街有五、六个铺面，靠收租金也能过得富裕殷实。然而，祖父不仅抽大烟，还好赌，临解放时不仅把所有的铺面押给了人家，还欠下了一屁股债。好在解放了大烟也被禁了，祖父的债主也纷纷为这为那进了牢狱，不过骨瘦如柴的祖父早早就丧失了劳动的能力，带着一身病痛早早地走了。虽说到了父亲这一辈没什么值得炫耀的东西，但是父亲清清白白做人，明明白白干事，从来都没有过什么丑事，这也是很值得他安慰的。

唐卫革有点喜欢和艾鲁志有些交往，是因为唐卫革的母亲前些年动了手术，还查出了癌变的症状，需要长期服用灵芝粉。而他是做土产生意的，知道桂西北岑王老山的盛产野生灵芝，于是就给唐卫革送了几盒，他母亲服用了效果不错。后来唐卫革觉得不好意思再白拿他的了，自己直接和厂家邮购，他还不忘帮说了一个比较低的折扣。直到现在，他并不晓得唐卫革是干什么行当的，只是经常听他说话都是“台里”“台里”的，也不晓得是什么台。似乎大家都默认他是省电视台的，不过大家都没有明说。牌桌上的其他人也是如此，有叫蔡老板的，也有叫李总的，有一个还被称为田教授。艾鲁志和他们都只是半熟，没什么深交。彼此都留过电话，但都没有拨打过。

出了楼梯口又进一个铁门，艾鲁志才晓得这里是一个私人文化会所，占用了电梯一头两套房的几个房间。看得出主人是一个书法彖刻古玩爱好者，有的房间散发出幽幽墨香，有的则摆满了各种玻璃柜架。唐卫革把他带进一茶室，近门处放置了一个大红木根雕茶几，靠窗的地方是一张大麻将桌。

唐卫革把艾鲁志迎到牌桌边，他看见还有另外三位坐在那里，一边摸牌一边闲聊，他只认得其中一个叫李总的，另两人面生。李总瞟了他一眼说：“艾老板你打不打？”

艾鲁志猛摇头：“不打，不打。你们玩吧。”

“那你帮我们洗牌吧。”唐卫革说。“那边有茶水自己倒。”

艾鲁志帮唐卫革他们洗了两个多钟头的牌，居然拿到了一千多块钱的抽水。赢家赢钱时总是表现得很大方，顺手一甩就是一两百。他得的第一次抽水就是唐卫革给的，一给就是两张红彤彤的大钞。开始时他还不好意思把钞票收进袋里，后来积多了就趁乱收了起来。

赌战最终以唐卫革的一句话结束了。唐卫革不仅玩完了一万五千元现金，还打算跟艾鲁志再借一点，不过艾鲁志灵机一动，推说自己身上并没有带现金，只好把那一千多抽水都给了他。

（十）