●12 nyied 2 hauh, Gveibingz Si Sihsanh Cin Cungsim Siujyoz haiguh “gvansim ngoenzcog·bujfaz bae gonq” bouxcoz nyezrauh bujfaz gyauyuz senhconz hozdung. Hoz- dung geizgan, doenggvaq fat bonjsaw bujfaz gyauyuz, yawjngonz gyaezguekcujyi gyauyuz gihdi、 bouxcoz nyezrauh fazci gyauyuz gihdi, doeklaeng hai aen hoih hong doicaenh, doxgyau gyauyuz gingniemh, cienzdoh faplwd cihsiz daengj.

(Cenz Libingh)

●12 nyied 4 hauh, Ningz- mingz Yen Fulenz youq yienhsingz banh “hengzdoengh hwnjdaeuj, yiengq lingz aiswh byaij bae” vwnzyi vanjvei senhconz hozdung. Hozdung doenggvaq lai cungj hingzsik guh yawhfuengz bingh- aiswh senhconz, vanzlij fat swhliu senhconz 500 faenh, hawj engq lai vunz roxyiuj gij haih bingh’aiswh, gyalai yawhfuengz bingh’aiswh cihsiz caeuq yisiz.

(Couh Yizgangh Yi Yungz- fangh)

●Mboengqneix, Yungzanh Yen cien lai moux lwgfaeg naeng- ndaem baenz gai lo, hawciengz sou goenggaen 1.6 maenz ngaenz baedauq, moix moux vih boux ndaem lwgfaeg laisou 4000 lai maenz ngaenz. Yungzanh Yen baengh dangdieg daegsaek heiq- haeuh diuzgienh caeuq diegyouq ndei hwngfat ndaem byaek, coicaenh dieg gungzhoj boux- guhnaz laisou baenzfouq.

(Danz Gaijhingh)

●Bi’gvaq daeuj, Yungzsuij Myauzcuz Swciyen Fulenz haiguh “gyaranz lwgnyez” haeuj mbanjbya hozdung, faenbied vih 70 lai aen diegbya siujyoz hwnjguh boiqbwh laerod、 maxgyaek、 yijmauzgiuz caeuq “gyaranz lwgnyez” dijyuz doxgaiq dij ngaenz daihgaiq fanh maenz, baenz le cingsaenz suenangq fanh lai boux lwgnyez louzmbanj cangqndang、 angqyangz majhung.

(Lungz Linzci)

●12 nyied 3 hauh, Lozcwngz Mulaujcuz Swciyen Daihngeih Siujyoz banh bi 2015 seizcou haggeiz cawjranz ngoenzhaicuengq hozdung, 2237 boux hagseng youq seiz roengzdangz hozdung itheij diuqfoux 《Damzraih Cuzbangh》, cungfaen yienh’ok lwgnyez Mulauj doxgiet、 haenqheiq doxhwnj cing- saenz yienghsiengq.

(Mungz Cwnghswh)