Baujanh geq gig cojgvaq Ai Lujci, gvaq mbouj geij nanz, de couh raennaj Dahli lo. Hoeng Dahli najsaep lwnh de naeuz, Vangz Fuzgauh seizneix gaenq gig noix daeuj yawj de caeuq dahlwg lo, de youq ndaw sengj miz yahmoq lo, de caenh rox mehmbwk haenx heuh Dahluj, dwg de laeglemx youq ndaw soujgih Vangz Fuzgauh yawjraen. Ai Lujci lij roxyiuj，Vangz Fuzgauh gaenq mbouj hawj ngaenzgwn song mehlwg lo, ndigah Dahli mbouj ndaej mbouj doq daiq lwgnyez, doq bae yihyen dang bouxbaetseuq he.

Caeuq Dahli doxbiek le, Ai Lujci sawqmwh gagnyinh, swhgeij caeuq Dahli doxlumj, cungj ngaiz Vangz Fuzgauh vutgveng lo. De gig siengj caiq caeuq Dahli lwnhgoj baez dem, roxnaeuz cingj de gwn canq caeuz he, hoeng de mboujndaej baenzneix guh, de dwg daeuj cimh Vangz Fuzgauh. De aeu aen hauhmax dienhvah Dahli le, couh ganj bae gicehcan, dap banci bae ndaw sengj. Naengh banci daengz singz baihdoeng, de cij sawqmwh geiq ndaej caengz doiq fuengz, baenzneix de gipmuengz dajdienh hawj Dahyen, yaeuh de swhgeij miz saeh gaenjgip laemzseiz ganj dauq yienhsingz, gvaq geij ngoenz lij gvaqdaeuj, ngaenzfuengz caeuq fuengzgaj daengzseiz caiq boiz hawj de.

Vangz Fuzgauh ndoj daengz ndaw sengj bae, Ai Lujci ra de engqgya nanz lo. Ndaw sengj mboujdanh singz hung vunz lai, vunzsug caeuq diegyouq Vangz Fuzgauh hix lai, yaek ra raen de couh lumj youq ndaw Dahdozniengz gaeb duzbya lumj fajfwngz he nei. Youq ndaw ukgyaeuj Ai Lujci, gaxgonq Vangz Fuzgauh cungj dwg youq henznden geij aen cang sengj vaimau gunghswh cienqlulu. Seizhaenx vih fuengbienh guh gaicawx, Vangz Fuzgauh lij youq henz cang co aen ranz he, swhgeij lij hai aen bouqdajgwn he, baengzyoux caemh guh seng’eiq haenx gvaqdaeuj le cungj dwg youq gizhaenx cingj gyoengqde gwncaeuz. Gij saeh doxgap guh seng’eiq Ai Lujci caeuq Vangz Fuzgauh, dingzlai hix dwg youq ndaw bouqdajgwn dingh. Mboujgvaq seizneix mbouj beij seizgonq lo, seng’eiq gyoengqde mboujdanh guh mbouj roengzbae, Vangz Fuzgauh lij yiemq de baenzlai ngaenz dem. Vangz lauxbanj bigonq daekeiq foedfoed haenx seizneix daengz ndaw sengj, gaenq mbouj dwg guh seng’eiq, cix dwg ndoj caiq lo. Ai Lujci hix mbouj rox, Vangz Fuzgauh cawzbae yiemq ngaenz de le, lij yiemq ngaenz bouxlawz dem. Naemjnaemj geij bi neix, seng’eiq Vangz Fuzgauh gaenq guh daengz cien fanh doxhwnj, baenz boux daih lauxbanj caencingq he, hoeng Ai Lujci yienznaeuz hix hwnq haet ninz haemh buekmingh guh, hix caenh canh song bak lai fanh maenz. Moix baez bungz Vangz Fuzgauh, de cungj gag najmong, cungj dwg ngaem gyaeuj yawj de, singyaem gangjvah hix mbouj gamj sang gvaq de. Vih gaijbienq doenghgij neix, mwh Vangz Fuzgauh daezok siengj caeuq de doxgap guh seng’eiq seiz, de laihnaeuz dwg noucoengz ndaej benz hwnj gofaex hung lo, naemj cungj mbouj naemj couh dapwngq lo. Gyoengqde laebbaenz le Gveisih Gunghbauj Gungbinj Sanghmau Gunghswh, ciuq seiq roek beijlaeh ok ngaenz, canh ngaenz hix dwg ciuq seiq roek doxbaen, Ai Lujci aeu seiq, Vangz Fuzgauh aeu roek. Haidaeuz song sam bi, gaicawx gig hoengh, de bau youq lajmbanj sou huqduj, Vangz Fuzgauh youq ndaw sengj bau gyagoeng nem gai huq daengz guekrog.

Seng’eiq guh ndaej baenz ndei vihmaz couh guh mbouj roengzbae la? Ngaenz cungj bae gyawz la? Vangz Fuzgauh dwg mbouj dwg ciq ngaenz swhgeij mbouj siengj boiz la? Ai Lujci mbouj dingz mbouj duenh naemj gij saeh neix, mizseiz youq haemhlaep naemj daengz mbwnrongh, cungj siengj mbouj ok dwg vih gijmaz? Doenghgij saeh neix, caj cimh raen Vangz Fuzgauh le, caiq dingq de baenzlawz gangj.

Ai Lujci youq Gyanghnanz Gicehcan mbiengj baihnamz ndaw sengj roengz ci, sien daengz Dasahdenz henznden cehcan haenx bae ra diegyouq. Gizneix dep Yidung Vuzliuz Canghcujgih, gyaudoeng fuengbienh, bae gizlawz cungj yungzheih. De youq aen lijgvanj iq heuh Oujgyahvanh he hai aen fuengz ndeu, doq swiq ndang doq siengj sien ra bouxlawz gonq. De roxyiuj genj bouxvunz habngamj he gig nanz, danghnaeuz bouxde laeglemx lwnh hawj Vangz Fuzgauh nyi, Vangz Fuzgauh baez ndoj hwnjdaeuj baelawz lij ra raen de dem. Bouxvunz haenx mboujdanh saenq ndaej gvaq, ceiq ndei lij rox Vangz Fuzgauh youq gizlawz dem. Baenzneix, gyoengq vunzsug baengzyoux ranzyouq ndaw sengj haenx, lumj dienh’ingj nei youq ndaw ukgyaeuj de baenqlulu, doeklaeng de nyinhdingh boux he.

De dajdienh hawj Dangz Veigwz, doiqfueng ciep dienhvah lumjbaenz angqvauvau, lienzmuengz naeuz hawj de aen dieg he, heuh de gvaqbdae guhcaemz. De naemj cungj mbouj caeq naemj couh rox seizneix Dangz Veigwz cingq nyaengq gijmaz lo, de gven soujgih sikhaek daenj buh aemq daeh, gven dou roengz laeuz.

Cib geij faencung le, cico rag de daengz bakdou aen siujgih youq Gyanghnanz Dadau he. De ndonjok douci ngiengx gyaeuj baez yawj, cingq dwg Lahswhgyahdun Siujgih haxbaenz Dangz Veigwz naeuz haenx. Ndaw sengj miz haujlai giz diegyouq, cungj an aen coh guekrog, mizseiz dingq baez he cungj geiq mbouj ndaej, de itbuen caenh ndaej geiq diuzgai hung roxnaeuz aen laeuz sangvid haenx, dingzlai ndaej geiq gailaux. (9)

老保安很同情艾鲁志的遭遇，不用多久，他就见到了莉莉。但是莉莉苦着脸告诉他，黄福高现在已经很少来看她和女儿了，他在省城有了新欢，她只知道那个女人叫做噜噜，她是在他手机里悄悄看到的。在交谈中他得知，黄福高已经断了莉莉娘俩的生活费，她不得不一面带着孩子，一面到医院去当清洁工。

离开莉莉的时候，艾鲁志忽然觉得，自己和被黄福高抛弃的莉莉多么相似。他多么想和莉莉再作一次深谈，或者请她吃一顿饭，但他没有停留，他要找的人是黄福高。他没再多停留就匆匆和莉莉要了电话号码，然后赶往汽车站，搭上了去省城的班车。车驶入百花市东入口时，他才猛然记起还没有退房，于是赶忙给阿燕打了电话，谎称自己有急事临时决定回县里了，过些天还要过来，房费和房卡到时再交还给她。

黄福高躲到省城去了，这给艾鲁志找人增加了巨大的难度。省城不仅城市大人口多，而且黄福高的熟人和落脚点也多，要找到他无异于在驮娘河里捞一条巴掌大的鱼。在艾鲁志的印象中，黄福高以前的活动地图，多数是围绕原省外贸公司几个大仓储点布局的。那时候为了方便做生意，黄福高还在仓库附近租下了房子，还自己搞了个小私房菜馆，专门招呼生意场上的朋友。艾鲁志和黄福高的许多合作事宜，几乎都是在那个小酒馆里谈成的。不过，现在已经是今非昔比，他们合伙做的生意不仅维持不下去了，而且他变成了黄福高的债主。当年那个威风八面的黄老板来到省城，也已经不是做生意，而是躲债了。艾鲁志也不知道，除了他这个债主之外，黄福高还有没有别的更大的债主。想想那些年月，黄福高的生意已经做到千万以上，是生意场上名副其实的大老板，而艾鲁志虽说自己摸爬滚打多年，也才赚了两百来万。每次遇上黄福高，他都是低着头看人家的，说话的嗓门也不敢比人家高，那种自卑感就不言自明了。为了改变这一切，当黄福高提出想跟他合伙做生意时，他以为是小松鼠爬上了大树，没加思想就答应了。他们新成立了桂西宫保贡品商贸公司，按四六比例投资，利润分红也是按四六分成，艾鲁志拿四，黄福高拿六。头两三年，两人合作相当愉快，他负责在县里乡下收购土特产，黄福高在省城负责加工出口。

经营得好好的生意为什么说不行就不行了呢？资金都到哪里去了？黄福高是不是把自己当成了取款机？这些问题都让艾鲁志不停地冥思苦想，有时候甚至从夜晚想到天明，然而思来想去都没有一个理由。看来，答案只能等到遇上黄福高，听他当面解释了。

艾鲁志在省城南边的江南汽车站下车，先到车站附近的大沙田住下来。这里靠近玉洞物流仓储区，交通便利，四通八达。他在一间叫偶家湾的小旅馆要一个房间，边洗澡边想谁是他最优先见到的人。他晓得要挑一个合适的人不容易，搞不好这个人先把自己卖了，让黄福高听到风声，早早地躲藏起来。这个人除了不出卖自己，还有可能从他嘴里听到一些关于黄福高的信息。于是那些身在省城的熟人朋友，一个个像电影般在他脑海里一闪而过，最终在一个人身上定格下来。

他打通了唐卫革的电话，对方听到是他的电话似乎有些兴奋，连忙告诉他一个地址，叫他过去玩玩。他想都不用想就晓得唐卫革现在正忙什么，他关掉手机就马上穿上衣服，背上挎包，关门下楼。

十几分钟后，的士把他拉到江南大道一个小区门口。他钻出车门昂头一看，正是唐卫革说的拉斯加顿小区。省城有许许多多名称古怪的楼盘，取的都是洋名，有时候很难让人一次记住，他一般只记得一些大的街道和建筑，而记得更多的是老街道。

（九）