11 nyied 11 hauh, youq Yungzsuij Myauzcuz Swciyen Dungdouz Cin, beixnuengx Myauz Dung daj Gveicouh Cungzgyangh Yen Doujlij Yangh、 Yungzsuij Myauzcuz Swciyen Dungdouz Cin mbanj henzgyawj daeuj haenx itheij fwngz rag fwngz diuq fouxcaijdangz. Dangngoenz, Liujcouh Si Fulenz、 Yungzsuij Yen Fulenz、 Doujlij Yangh Cwngfuj lienzhab banh “fulenz senhcin singqbied vwnzva nem gyaranz ceiq gyaeu hoih gojgaeq haeuj henzgyaiq Mbanjmyauz Mbanjdung” hozdung, doenggvaq hoih gojgaeq、 hoih faenyiengj、 hoih baijyienj daengj hingzsik gangj gyaranz vwnzmingz hwnjguh, fatyiengz senhcin singqbied vwnzva.

(Veiz Dingjbyauh/韦鼎标 Veiz Mingz/韦 明）