Mizmbangj doxgaiq lauqgvaq le, couh lauqgvaq baenzciuh lo. Bouxvunz rox bienq, dawz aen wngqcingz he mbouj bienq, hoeng, cix dawz mbouj youq aensim ciengzseiz rox bienq.

Mizseiz euqmaenz dwg cungj fudanh, vutvak hix dwg cungj gejduet, vunz mbouj miz byawz dwg ndei caez, vuenyungz mbouj miz it bak faen, rox swhgeij mbouj miz rengz baez dog aeu miz baenzneix lai, hix mbouj miz gienzlig iugouz baenzneix lai, mboujnex couh swhgeij sinhoj, hix veiznanz doiq- fueng.

Aen sim he dwg bouxvunz dog gag miz, ndaw aiqcingz gijmaz dwg goengbingz? Maij ndaej lai, deng sieng hix lai, ndaw aiqcingz mbouj miz goengbingz. Gyaez boux vunz swhgeij mbouj gyaez he, dwg danqheiq mbouj miz daemdaenx, mwngz gyaez de hoeng de mbouj gyaez mwngz, yienghneix couh dwg mwngz hainduj doek raemxda lo.

Wngqcingz dwg mbaw ceijhau, bonj sawheiq caiq na hix miz doekcod, gou siengj rox feihdauh raemxda, couh suenq yaek yungh caiq lai seizgan gou hix mbouj siengj deuz. Youq gwnzbiengz mbouj miz vuenyungz dwg ciengxlwenx, cijmiz angq caeuq cwxcaih cij suenq dwg ciengxlwenx.

Danghnaeuz mwngz dawz gamjcingz gou dangq baenz ciengz guh’angq ndeu, gou guh mbouj ndaej, engq dwg saw mbouj ndaej. Mizmbangj yienzfaenh cawq- dingh mbouj miz gietgoj ndei, gyaez bouxvunz he mbouj itdingh yaek aeu miz de, hoeng miz bouxvunz he, itdingh yaek ndeindei bae gyaez de, gaej vutvak de, mboujnex couh dwg doiq mbouj hwnj swhgeij.

Gaej aenvih mbouj miz ndit, couh byaij mbouj haeuj seizcin；

Gaej aenvih mbouj miz sing go, couh vutvak gij gouzaeu swhgeij；

Gaej aenvih mbouj miz sing bakfwngz, couh vut lijsiengj swhgeij bae；

Gizsaed, moix diuz roenhung roen’gvangq, cungj dauqcawq miz gumzgamx; moix diuz roenloh doeng bae coh lijsiengj, cungj cungmuenx sinhoj caeuq raemxhanh!

Haujlai saehcingz fazcanj cawq- dingh de doeklaeng cungj miz doeksat, ndeindei yiengjsouh go- cwngz gyaeundei, raeuz wnggai hag rox lumzlangh, ndongjndat dwk riu baez he, cuengqsing daej ciengz he, ngiengx gyaeuj muengh mbat he, benq ndit ronghsag he, siengsaenq seizgan ndaej gaijbienq sojmiz! Gaej hawj swhgeij gag doek raemx- da.

Seizcin gag miz gij funghcingz swhgeij, seizdoeng miz gingjsaek swhgeij, seiqvunz gak boux miz gak boux gij gyaeundei, gak boux miz gak boux gij cwxcaih. Mwngz riu, daengxbiengz riengz mwngz riu; mwngz daej, daengxbiengz cijmiz mwngz boux dog gag daej. Raeuz siengj aeu danh aeu mbouj ndaej seiz, couh dwg gaej hawj swhgeij lumzlangh bae.