Seizcou，aenvih byoemgyaeuj baiz ok yenzyinh, byoemgyaeuj loenq gig lai, miz 30% mehmbwk byoemgyaeuj loenq ndaej youqgaenj. Seizcou mbaeqdoh haemq siuj, byoemgyaeuj yungzheih hawqsauj reuqroz. Danghnaeuz ndaw ndang yingzyangj riengz mbouj hwnj, byoemgyaeuj engq yungzheih loenq- doek. Ciuq bingzseiz daeuj gangj, boux vunz ndeu ngoenz loenqdoek 50 daengz 125 diuz byoemgyaeuj dwg cingqciengz. Danhseih gyanghaet hwnqmbonq seiz gwnz gyaeujswiz miz 50 diuz byoem doxhwnj loenqdoek, caemhcaiq mwh roi gyaeuj loenqdoek haemq lai, couh mbouj cingqciengz lo.

Haujlai mehmbwk byoem loenq le siengj yungh ywfougyaeuj daeuj gaijndei de, caemhcaiq deihdeih fou gyaeuj, yienghneix couh mbouj ndei lo. Seizcou wng noix swiq gyaeuj fou gyaeuj, gaenx swiq gyaeuj fou gyaeuj lai, byoem loenq engq lai, moix singhgiz fou baez daengz song baez couh ndaej lo. Caenhliengh siuj yungh raemxfougyaeuj ndaengq daeuj fou, doengzseiz aeu lai yungh ywhoh- byoem, lij ndaej youq ndaw raemx- fougyaeuj gya di gyu、meiq ndeu fou gyaeuj, raemxfougyaeuj gaej ndat lai roxnaeuz gyoet lai; mwh fou gyaeuj, ndaej mienh fou mienh nunaenx.

Cigndaej daezsingj dwg, meh- mbwk maij lengj cix gemjbiz dwg byoem loenq aen yenzyinh youqgaenj ndeu, haujlai mehmbwk moix ngoenz sam donq cungj dwg byaekheu caeuq lwgmak, yienghneix guh rox hawj yingzyangj ndaw ndang mbouj gaeuq, yienghneix couh nanz miz cukgaeuq danbwzciz、diet daengj yingzyangj doxhaiq daeuj gunghawj conghbwn byoemgyaeuj couh cauhbaenz byoem loenq. Mehmbwk bingzseiz byoem loenq wng lai gwn di bya、duhhenj、gyaeqgaeq、nohcing、biuz ndaw haij、gyapbangx、byaekbohcai hamz veiz- swnghsu B2、byaekbohcai hamz veizswnghsu B6、rangzngox、gyoijhom、daepmou daengj doxgaiq, doiq baujhoh byoemgyaeuj、doiceiz nyieg- laux miz ndeicawq, hix mizleih byoemgyaeuj cingqciengz sengmaj.