10 nyied 31 hauh banhaemh, gaiq daihngeih daengx gih siujhagseng Vahcuengh biucinj dungxcaiz biujyienj doxdax youz Swcigih Gyauyuzdingh cawjbanh, Guengjsae Swhfan Yozyen ciepbanh haenx youq Namzningz banh. Miz daengx gih Cuengh Gun song saw vah siujyoz 40 aen daibyaujdui gungh 158 boux siujhagseng camgya, doenggvaq yungh sing’yoz、 siujbinj、 citheiq daengj hingzsik, yungh Vahcuengh biucinj yienj dungxcaiz.

Baez dungxcaiz biujyienj neix hingzsik lai cungj, cezmuz neiyungz ndei youh moq, gig miz daegsaek minzcuz、 gij yiengh moq seizdaih caeuq daegsaek hagdangz. Gyoengq siujhagseng daenj buhvaq Boux- cuengh saek rongh yiengh lai, gagsaenq simdingh byaij hwnj daizheiq, fatyaem biucinj, gangj ndaej raeuzred, biujyienj ndei yawj ndaej daengz bingzveij caeuq yienhciengz bouxyawj bekfwngz haenhndei.

Banh baez doxdax neix, daezhawj aen daizheiq hawj hagseng Bouxcuengh yienh’ok bonjfaenh he, hawj Vahcuengh yungzhaeuj saed- ceij, cungfaen diuhdoengh Cuengh Gun song saw vah hagdangz lauxsae hagseng gaenxmaenx yungh Vah- cuengh hag Vahcuengh, fungfouq Cuengh Gun song saw vah hagdangz ndaw hag saedceij, cauh ok heiqfaenh ndei song saw vah gyauyuz, doidoengh Cuengh Gun song saw vah gyauyuz hwngfat.

(Liengz Cingz/梁 晴)