Ma daengz gakhaw, Daeglauh sawqmwh gangj- vah:“Cejfou，mwngz caen saenq gij vah mehyah de？ Gangj mbouj dingh Vangz Fuzgauh de couh youq raeblaeng dou riu raeuz ne.”

“Mbouj gojnwngz law，cungj mbouj raen de buenq ndwen lo. Ngoenz haenx gou naeuz de sien hawj gou samcib fanh maenz ngaenz bae cawx huq gonq, ngoenzlaeng couh mbouj raen de lo. Danghnaeuz ngoenznaengz ndoj youq ndaw ranz, de baenzlawz youq ndaej? Mbouj mbaet dai de couh gvaiq lo. Caiq gangj lo, danghnaeuz de youq ranz, gyaq ci luhuj de haengjdingh dingz youq baknaj dou.”Ai Lujci naeuz.

“Nanz gangj bw, danghnaeuz de siengj ndoj mwngz, banhfap lai yaek dai.”Daeglauh lijdwg mbouj saenq.

Liuz Fudai hix lumj Ai Lujci baenzneix naemj, de cam:“Vangz Fuzgauh youq gwnz gailaux mbouj dwg lij miz ranz lwi?”

Ai Lujci dingz yamq roengzdaeuj, ngaem gyaeuj naemj yaep he, naeuz:“De youq gaidoeng lij miz doengh ranzcoj song caengz he, mboujgvaq caeux couh mbouj dwg ranz de lo. Geij bi gonq de caeuq daegnuengx de doxgauq, aenvih daxmeh de caeuq daegnuengx de caemh youq, daxboh de yaek dai seiz louz mbaw ceij he, naeuz byawz ciengx daxmeh doengh laeuz haenx couh hawj byawz, gvaqlaeng doenghlaeuz buenq hawj daegnuengx de lo. Daj seizhaenx le, de couh caiq mbouj gamj haeuj aen dou doengh laeuz haenx lo.”

“De gaxgonq mbouj dwg youq danhvei mehyah lwi?”Liuz Fudai naeuz.

Ai Lujci ngiengx gyaeuj le youhcaiq ngaem gyaeuj roengzdaeuj, mbouj naihfanz dwk naeuz:“Gaej dwen dauq ranz neix lo, de caeux couh dawz fangzcanjcwng bae at hawj ngaenzhangz ciq ngaenz lo.”

“Meh de, gyaeujmou ha!”Daeglauh ndaq naeuz. “Lauxbanj sou bouxboux cungj dwg daenj mad mboujmiz daej hane.”

Danghnaeuz dwg seizgonq, Ai Lujci couh caeuq Daeglauh doxndaq lo, hoeng seizhaenx de mbouj ndaej baenzneix guh. De yungh baenzlai geiqmaeuz cij rag songde doxcaez bae aeu caiq, vih daj giz Vangz Fuzgauh haenx ndaej gyaep dauq song bak fanh maenz ngaenz, de aeu mbaet heiq cijbaenz.

Hoeng de mbouj siengj youq dangqnaj songde doeknaiq, de hix dwg bouxsai, de beij songde lij miz ngaenz, vihneix gietdingh swnh rengzlaeuj caiq daiq songde bae buek baez dem. Roengz gietsim le, de couh daiq gyoengqde byaij coh gailaux.

Gyoengqde bae yienh yihyen suzse gonq, swnh gij ronghdaeng henjraemh, gyoengqde gig vaiq youq aen danhyenz doengh laeuzgaeuq he ra raen funghranz mehyah Vangz Fuzgauh lo. Gaxgonq Ai Lujci hix youq ndaw aen siujgih neix, gvaqlaeng aenvih gij saeh ciuseng, Nungz Caijsiu nyinhnaeuz saetnaj lai, gyoengqde couh youq baihrog cawx dauq ranz gaeuq he youq. Ai Lujci gag rox, youq yienh yihyen, mehyah swhgeij caenh dwg boux husw nyaeq he, hoeng mehyah Vangz Fuzgauh dwg huswcangj, gaepbied mbouj doxdoengz, gvanhaeh hix itcig mbouj aiq ndei. De lij ndaej geiq, mwh swhgeij ngamq gyahaeuj aen gunghswh Vangz Fuzgauh, song bouxsai daegbied cingj can laeuj he angqhoh, hoeng siengj mbouj daengz song mehmbwk neix cungj mbouj daeuj gwn caeuz.

Ai Lujci daiq song boux daeuj yawj funghranz mehyah Vangz Fuzgauh, dwg siengj naeuz hawj songde swhgeij gangj vahcaen, mbouj dwg yaeuh gyoengqde. Hoeng caj daengz gyoengqde yaek bongx dou, cix yawjraen gwnz dou nem song mbaw ceij. Ciq gij rongh muemxguemj haenx, Ai Lujci yawj haujlai nanz cij yawj rox, mbaw he dwg fungdiuz, mbaw wnq sij yaek ciuco, baihlaj cungj dwg sij cin sinyungse.

Gyoengqde doeknaiq dwk ndwn yaep he, mwngz yawj gou, gou yawj mwngz, mbouj rox gangj gijmaz ndei. Gvaqlaeng, Daeglauh sawqmwh daj ndaw bak byoq gaemz oenqien he okdaeuj, youh nyaenj soiq buenq doengz ien daengz gwnz mbaw ceiqhau bae, gaendwk youh yaengx din dik aen dou, ndaqbedbed cienq ndang dauqbae gonq lo.

Liuz Fudai hix lumj Daeglauh nei, mbouj gangj mbouj wk riengz baihlaeng byaij lo. Ai Lujci nyinhnaeuz yienghneix couh baenz lo, de daiq songde daengz gizneix, couh dwg siengj hawj songde roxyiuj gij cingzgvang Vangz Fuzgauh. Mboujgvaq, gij saenqsik mbaw ceijhau gwnz dou hix naeuz hawj de, sinyungse gaenq doiq Vangz Fuzgauh roengz fwngz lo. Gaxgonq de caenh roxyiuj Vangz Fuzgauh ciq ngaenz yienh nungzhangz, seizneix lienz gij ngaenz sinyungse de hix ciq, hix hainduj simgip lo.

Youq aen cin iq neix, aenvih yezvulieng noix, yinzhangz gunghhangz genhangz cungj cengj mbouj roengzbae lo, seizneix gizsaed caenhmiz song ranz guekgya ginhyungz danhvei, nungzhangz caeuq sinyungse. Mbangj vunz guh seng’eiq haenx cungj roxyiuj, ndaw cin cawzbae song ranz neix le lij miz giz ndeu ciq ndaej ngaenz, mboujgvaq dwg cuengq gauhlidai, gij vunz guh seng’eiq bonj nyaeq haenx cungj mbouj gamj ciq.

Ma daengz gwnz haw, Ai Lujci laihnaeuz songde lij siengj heuh de bae gaidoeng yawj ranzgeq Vangz Fuzgauh, siengj mbouj daengz ngamq byaij daengz aen dan’gangqnoh, caekhaex Daeglauh baez naengh couh mbouj hwnjdaeuj lo, lij rag Liuz Fudai gvaqbae caemh naengh dem. De yawj ndaej ok, Daeglauh youh siengj gwn can daihngeih lo. Yienznaeuz dwg youq henz gai gwn byagangq nohgangq, hoeng sam boux vunz hix yaek yungh bae bak lai song bak maenz ngaenz cij baenz. De siengj gvaqbae, hoeng yaepyet youh byaij mbouj doengh lo, de naemj, danghnaeuz swhgeij gvaqbae, couh dwg de ok ngaenz, banhringzgvaq cawx gij byaek haenx le, ndaw daeh ngamq lw geij cib maenz ngaenz.

(5)

回到街角，阿捞突然发话说：“姐夫，你真的相信他老婆的鬼话吗？说不定黄福高他就在门后面看我们笑呢。”

“不可能吧，他都失踪半个月了。那天我跟他说先打三十万现金给我周转一下，第二天就不见人了。如果整天呆在家里，他哪里呆得住？不憋死他才怪。再说了，要是他在家，那部路虎肯定停在楼门口。”艾鲁志说。

“难说哩，他要是想躲避你，办法不是多的是么？”阿捞还是有疑惑。

刘富泰似乎也同意艾鲁志的判断，转个话头说：“黄福高在老街上不是还有个家吗？”

艾鲁志停下脚步，低头沉思片刻，说：“他在东街是有栋两层老楼的祖屋，不过早已不是他的了。前几年他和他老弟为那个楼打了一场官司，因为他老妈跟他老弟住，他老爹死前留了张纸条，说谁给妈养老送终楼房就是谁的，后来楼房判给他老弟了。从那时起，他就不敢再登那栋楼门了。”

“他以前不是住在老婆单位的吗？”刘富泰说。

艾鲁志听了扬起头，旋即又慢慢低垂下来，不耐烦地说：“别说那套房了，他早就拿房产证去抵押贷款了。”

“妈的，猪头啊！”阿捞嘲讽地说。“你们这些鸟老板他妈的个个都是穿袜没有底的呢。”

要是往时，艾鲁志免不了要和阿捞一顿吵，不过现在形势不容许他这样。他好不容易把这两个小债主拢到一起给自己壮胆，为了向黄福高讨回两百万，就是再有气也只能忍气吞声，顾全大局。

但他并不想在这两个人跟前软弱，他也是一个男人，而且身家比他们都尊贵，于是决定趁着酒劲带他们去闯一闯。决心已下，他就带他们走向大街，往老街走去。

他们首先来到县医院宿舍区，借着昏黄的灯光，他们很快就在一栋旧楼单元里，找到了属于黄福高老婆的房子。以前艾鲁志也曾经住在这个小区里，后来因为超生的事，农彩秀觉得他丢人现眼，他们才到外边买了套二手房住下来。艾鲁志晓得，在县医院，他妻子只是一个小护士，而黄福高老婆是护士长，职级不一样，关系也一直不太好。他还记得，他刚加入黄福高的公司时，两个男人特意搞了个饭局庆贺一下，但令他们始料不到的是，两个女人竟然都不愿给自己老公一个面子。

艾鲁志带两个人来看黄福高老婆的房子，是想向他们证实他说的话是真的，他没有骗他们。可当他们来到门前正想叫门时，却看见门上贴了一张白纸和一个白纸条。借着微弱的亮光，艾鲁志凑上去端详了许久，才看出是一个封条和一张招租告示，落款都是镇信用社。

他们沮丧地站了一会，你看着我，我看着你，不知说什么好。稍后，阿捞突然从嘴里喷出一口烟，又把半截烟戳在门板的白纸上碾碎，然后扬脚在门板上踢了一下，嘴上骂了一声，转身率先走了。

刘富泰似乎受到了阿捞的刺激，不声不响就跟在阿捞身后走了。艾鲁志觉得已经达到了目的，让这两个死党知道了实情，这就是他带他们来这里的原因。不过，门板上那张白纸的信息也告诉他，信用社已经开始对黄福高动手了。之前，他只晓得他借了县农行的贷款，现在连信用社也成了债主，也开始着急了。

在这个小镇上，因为业务量小，原先的人行工行建行都撑不下去了，现在其实只有两家国家金融单位，农行和信用社。一些搞生意的人都晓得，镇里除了这两家之外还另外有钱庄，不过放的都是高利贷，一般做小本生意都不敢惹。

来到街上，艾鲁志以为他们还想跟他去东街看黄福高的老宅，不曾想阿捞竟一屁股坐到烧烤摊边上，还把刘富泰也招呼了过去。他看得出来，阿捞是要搞第二场了。虽说是在街边吃点烤鱼烤肉串，三个人的吃喝没有个百把两百块钱打发不了。他的双腿下意识地要靠拢过去，可转念一想，跟过去就是他买单了，下午买了那些菜，口袋里已没有一张大票。 （五）