10 nyied 26 daengz 27 hauh, aen hoih yenzdauj Guengjsae Bouxcuengh Swcigih saujsu minzcuz vah saw laebfap caeuq cwnggouz yigen youq Namzningz hai, Swcigih Minzyijveij Conhgyah Swhsinz Veijyenzvei fucujyin veijyenz、 Swcigih Yinzminz Cwngfuj canhswsiz fucujyin Luz Dai, Swcigih Minzyijveij Conhgyah Swh- sinz Veijyenzvei fucujyin veijyenz、 Guengjsae Minzcuz Dayoz Vwnz- yozyen yencangj Veiz Su’gvanh, Swcigih Yinzminz Cwngfuj canhsw Luz Suivaz daengj lauxhangz hai hoih daujlun. Swcigih Minzyijveij fucujyin Vangz Cenzcungh、 Minz- yijveij Minzcuz Vah Saw Laebfap Gunghcozcuj daengxcungq cwngzyenz camgya hai hoih.

Ciuq cam rox, Guengjsae minzcuz vah saw laebfap hanghmoeg dwg Swcigih Minzyijveij dak hawj Guengjsae Minzcuz Dayoz hengzguh hanghmoeg. Guengjsae Minzcuz Dayoz hawj Veiz Su’gvanh caeuq Luz Dai guh hanghmoeg doengzcaez boux- fucwz, vanzlij cujciz mizgven laux- hangz laebbaenz hanghmoegcuj, ciuq hanghmoeg iugouz guh hong.

Aen hoih neix, boux camgya nyinhcaen hagsib guekgya caeuq sengj (gih) wnq mizgven saujsu minzcuz vah saw faplwd diuzvwnz、 gvidingh. Ciep dwk, daihhoih gaengawq 《Guengjsae Bouxcuengh Swcigih Saujsu Minzcuz Vah Saw Gunghcoz Diuzlaeh》(camh dinghmingz, caujgauj) yiengq boux camgya hai hoih cwnggouz yigen caeuq genyi, vanzlij guh le coihgaij. Doeklaeng, hanghmoegcuj boux- fucwz yiengq Swcigih Minzyijveij veibau le hanghmoeg cindu cingz- gvang, vanzlij gyau gij cwngzgoj ngamq aeu ndaej haenx——《Guengjsae Bouxcuengh Swcigih Saujsu Minzcuz Vah Saw Gunghcoz Diuzlaeh》(camh dinghmingz) faenz- bonj(cogauj) caeuq gangjmingz de. Gvaqlaeng, hanghmoegcuj lij yaek dawz 《Guengjsae Bouxcuengh Swcigih Saujsu Minzcuz Vah Saw Gunghcoz Diuzlaeh》 (camh dingh- mingz) faenzbonj (cogauj) laebdaeb yiengq ndawbiengz gak hangz gak nieb cwnggouz yigen caeuq genyi, caenh- itbouh gaijndei de.

(Moz Hungz/莫 宏)