10 nyied 19 hauh banhaemh, Daihhaj Gaiq Gvangjsih Gveilinz Gozci Ciet Bya Raemx Vwnzva Lijyouz haimuq, doengzseiz lij yienj gij yisuz cunzyouz hunghoengh ndei yawj dem. Gaiq ciet neix cawjdaez dwg “bya raemx gyaeundei、 Gveilinz swnghdai”, youz lijyouz、 vwnzva、 dijyuz daengj 5 aen cawjdaez 8 hangh lai cungj lai yiengh hozdung gyoebbaenz, yisuz cunzyouz faen baenz Gveilinz gyaeundei、 Gveilinz swnghdai、 Gveilinz rengzhoengh sam biencieng, 26 aen doihvunz camgya cunzyouz, baijyienj le biujyienj fouxnoz, fungcingz Yauzcuz, vwnzva Veizcuz, fungcingz guekrog doenghgij neix, hawj siminz caeuq hekyouz Cungguek guekrog yawj caeuq faenyiengj gij cwngzgoj Gveilinz Si hwnjguh gozci dieg ndei lijyouz aeu ndaej haenx.

(Vangz Swzcang/王滋创 Dangz Gvangjdungh/唐广东）