10 nyied 12 hauh banhaemh, foux Bouxcuengh 《Byaraiz》 youq Namzningz Heiqciengz hoengh yienj, hainduj daihgouj gaiq Gvangjsih citheiq comzyienj. Gaiq citheiq comzyienj neix yienj 2 ndwen, gungh miz 30 aen daihhingz heiqmoeg caeuq 88 aen heiqdinj siujbinj comzyienj.

Gaiq citheiq comzyienj neix dwg cizdij veibau gih raeuz dajcaux “fungsug Gvangjsih cingsaenz Bouxcuengh” daizheiq yisuz cinghbinj. Foux 《Ranzvunz Mbanjdung》、 Heiqcuengh 《Daih’it Suhgi》、 foux 《Buhbakroeg》 daengj buek guekgya gaep ciennieb yisuz heiqmoeg ndeu yaek laebdaeb yienj.

Ciuq cam rox, gaiq citheiq comzyienj neix cawjciengz youq Namzningz, doengzseiz youq Liujcouh、 Gveilinz、 Yilinz、 Ginhcouh daengj laeb faenciengz, haujlai heiqmoeg mbouj aeu cienz, bouxyawj bae dieggaibiuq heiqciengz yungh sinhfwncwng lingx biuq, couh ndaej yawj gij cwngzgoj moq minzcuz vwnzyi gih raeuz.(Dwng Cangj/邓 昶)