Ai Lujci ngawh yaep he, gingjgaeh dwk naeuz:“Daeglauh, gaej bakraeuz lai, gou mbouj hwnjdangq law. Fudai, dou ndoet laeujyw ba, laeujbakbien、laeujhenj、laeujduzdoq、laeujaekez、laeujngwz youz- caih mwngz diemj.”

Caengz caj songde dap vah, Ai Lujci couh ndwn hwnjdaeuj byaij coh geij gang laeuj henz denbinghsiengh.

Liuz Fudai saetmuengh dwk naeuz:“Mbouj youqgaenj, gou ndoet gijmaz cungj ndaej.”

“Ndei, yienghneix dou ndoet laeujhenj gonq.”Gangj sat, Ai Lujci ngaem gyaeuj umj gang laeuj lumj aen lanzgiuz nei baez yamq baez yamq nod daengz henz daiz, cuengq daengz gwnz daengq bae.

Daeglauh raen mboujndaej ndoet laeujget, mbouj cingznyienh dwk ndwn hwnjdaeuj, hai gvih aeu aen beuz he ndenq hawj Ai Lujci, naeuz:“Hawj gou daek buenq cenj couh baenz, gou ndoet laeujyw mbouj gvenq, ndoet le youq mbouj onj, sou ndoet lai di.”

Ai Lujci roxyiuj dwg Daeglauh yoek de, danghnaeuz mbouj miz laeuj wnq, cungj laeujyw lawz de cungj ndoet. Baenzneix de ciuqyiengh daek rim sam cenj laeujhenj. Daeglauh mbouj guhsing dawz sam cenj laeuj cuengq daengz dangqnaj sam bouxvunz bae le, yawj Nungz Caijsiu mbat he naeuz:“Dahcej mwngz mbouj ndoet di he, bouj ndang bw.”

Nungz Caijsiu daengxda naeuz:“Miz vunz gangj gou dingz raemx dingz dienh lo, bouj ndang mbouj miz yungh law. Gou mbouj ndoet.”

Liuz Fudai riugan naeuz:“Dahnuengx, mwngz lij baenz nomj, lij baenz yungh bw.”

Canq haeux neix, Ai Lujci mbouj caeuq Daeglauh nem Liuz Fudai dwen gij saeh Cangh Dunghlinz boiz ngaenz haenx, dauqfanj dwg doxyaeng baenzlawz ba ra bouxcaiqcawj hung Vangz Fuzgauh. Gijneix Nungz Caijsiu siengj mbouj daengz, de dik rwz naengh henz daiz dingq haujlai nanz, laihnaeuz dingq daengz bouxgvan gangj gij saeh boiz ngaenz, hoeng cungj mbouj raen de gangj.

Nungz Caijsiu gag rox, Daeglauh caeuq Liuz Fudai hix suenq dwg bouxcaiqcawj Ai Lujci, mboujgvaq dwg caiqcawj nyaeq. Geij bi gonq, mwh Ai Lujci mboujmiz ngaenz cawx huq, faenbied ciq Daeglauh caeuq Liuz Fudai moix boux haj fanh maenz, seizneix lijcaengz boiz liux. Miz baez he mehyah Liuz Fudai baenz bingznaek louzei, yaek at fanh maenz ngaenz he, ndaw ranz mbouj miz baenz lai ngaenz, heuh Ai Lujci boiz. Seizhaenx dingjlingz bungz seiz sou hing, Ai Lujci hix ra ngaenz cawx hing, Nungz Caijsiu yawj mbouj roengzbae lo, aeu gij ngaenz swhgeij bang de boiz fanh maenz he. Gaenh geij bi, Nungz Caijsiu raen Ai Lujci seng’eiq guh ndaej gig hung, aen Gunghbauj Gungbinj Sanghmau Gunghswh bouxgvan caeuq Vangz Fuzgauh doxgap banh haenx seng’eiq itcig gig hoengh. Hoeng, mbouj rox daj seizlawz le, gunghswh fucungj Ai Lujci mboujdanh faen mbouj ndaej ngaenzcanh, lienz bak lai fanh maenz gaxgonq swhgeij gag guh seng’eiq canh ndaej haenx hix ngaiz dienz haeujbae. Gvaqlaeng, vih sawj seng’eiq mbouj laemqlak, Ai Lujci seiqlengq ciq ngaenz baengzyoux caeuq caencik, ciq baenz haj、roek cib fanh baenzlai.

Seizneix, Ai Lujci siengj rag Daeglauh caeuq Liuz Fudai gvaqldaeuj bang swhgeij bae aeu caiq, sawj Vangz Fuzgauh cungj yiemq gij ngaenz daihgya.

Gyoengqde ndoet laeujhenj le youh ndoet cenj laeujaekez he, gij naj sam boux cungj bienq hoengzgeq liux. Ai Lujci byoq gij heiqlaeuj naeuz:“Fudai, Daeglauh, sou raen gou lumj bouxvunz laih mbouj boiz ngaenz lwi? Mbouj lumj ba. Gou mbouj dwg cungj vunz haenx, sou itdingh aeu saenq gou Ai Lujci. Caj dou gyaep Vangz Fuhgauh boiz song bak fanh maenz le, gou sikhaek boiz ngaenz songsou gonq.”

Daeglauh mbwnj bak naeuz:“Baenzneix yaek caj daengz bi lawz cij ndaej ha, cejfou, seizneix gou caen dwg gip yungh ngaenz ha.”

“Dwg ha, aen bouq iq gou hix siengj guh seng- eiq hung, couh ca di ngaenz neix lo.” Liuz Fudai hix dap vah naeuz.

“Gou gangj baenz haemh lo, songsou cungj rwznuk la? Ndaej, danghaneuz Vangz Fuzgauh ndaej boiz di ngaenz he, mboujguenj ndaej geijlai, gou baujcwng sien boiz sou gonq. Danghnaeuz mbouj boiz couh heuh Goengmidfangz gaj gou bae gai. Aeyo, sou gaej baenzneix cim gou, laihnaeuz gou dwg cungj vunz haenx. Gaxgonq gou Ai Lujci mbouj dwg hix ciq ngaenz hawj sou gvaq lwi?”

Daeglauh caeuq Liuz Fudai siengj yaep he, cungj ngaekngaek gyaeuj naeuz dwg ha dwg ha. Ai Lujci swnh seizhaenx yaengx cenjlaeuj hwnjdaeuj:“Daeuj, daeuj, daeuj, ndoet cenj neix liux bae, caiq daek cenj laeujbakbien dem.”

Sam boux doq ndoet laeuj doq siengj geiqmaeuz baenzlawz gyaep Vangz Fuzgauh boiz song bak fanh maenz ngaenz hawj Ai Lujci.

Liuz Fudai naeuz bae fazyen gauq, cazfung gij caizcanj Vangz Fuzgauh. Vangz Fuzgauh youq gwnz haw miz ranzlaeuz miz ci, naengh aen ci haenx beij yienhcangj suhgi lij ndei, song yiengh gap hwnjdaeuj hix dij geij bak fanh. Hoeng Ai Lujci dingq le cix yaemhywx mboujdingh, danghnaeuz baenzneix guh gvaqlaeng couh guh mbouj baenz beixnuengx lo. Gaxgonq de hix siengj gvaq gauq Vangz Fuzgauh, hoeng baez gauq aeu sai geij bi cij baenz. Couh lienz de heuh Cangh Dunghlinz boiz di ngaenz neix, hix siengj gvaq haujlai aen banhfap, lij ngaiz mbangj caencik baengzyoux youq baihlaeng de gangj sam gangj seiq dem.

(3)

艾鲁志愣了一下，警觉地说：“阿捞，别油嘴滑舌了，我不会上当的。富泰，我们喝药酒吧，百鞭酒、黄精酒、马蜂酒、蛤蚧雄睾酒、三蛇酒随便你点。”

没等二人表态艾鲁志就站了起来，双脚朝冰箱旁边的几个酒坛迈去。

刘富泰失望地说：“随便吧，喝什么都行。”

“好，那我们就先搞黄精酒。”说着，艾鲁志俯身一蹲，双手抱起一个篮球般大的酒坛，一步一移地来到饭桌边，搁在一张空椅子上。

阿捞意识到老酒喝不成了，只好不情愿地站起来，打开厨柜，拿了只大勺子，递给艾鲁志，说：“给我打半杯得了，我不习惯药酒味，还有副作用，你们多喝点。”

艾鲁志晓得阿捞是在故意刺激他，没别的酒了，比药酒味道再浓的酒他也会一样喝。于是照样往三只啤酒杯里舀满了黄精酒。阿捞不声不响地把满满三杯酒分别搁到三个人跟前，瞄了农彩秀一眼说：“姐你不来点吗，补身的。”

不料农彩秀瞪了他一眼说：“有人说我停电停水了，补身又有鬼用啊。我不喝。”

刘富泰涎笑说：“老妹，你才这点年纪，还早嘛。”

这顿饭，艾鲁志并没有跟阿捞和刘富泰说张冬林还钱的事，而是讨论如何去找他的头号欠主黄福高。这让农彩秀颇感意外，她支着双耳磨蹭在饭桌边坐了很久，以为会听到丈夫说到还钱的事，但是他没有说。

农彩秀晓得，阿捞和刘富泰都算得上是艾鲁志的债主，只不过都是小债主。前些年，艾鲁志手头紧没有周转资金的时候，分别借了阿捞和刘富泰每人五万元，至今没有还清。有一次刘富泰老婆得了急病住院，需要一万块钱押金，不得已找到艾鲁志要他还钱。恰逢烤姜收购季节，艾鲁志正为资金急得团团转，农彩秀看不过眼，只好从个人存折取了一万元个人代他还债。近几年，在农彩秀的印象中，艾鲁志的生意还是做得挺大的，丈夫和黄福高合伙办的宫保贡品商贸公司生意一直红火。然而，不知从何时起，公司副总艾鲁志非但没有拿到份钱，还把自己单干时赚的一百多万填了进去。之后，为了维持生意，艾鲁志又四处向亲朋好友举借，前前后后多达五、六十万。

现在，艾鲁志如意算盘是把阿捞和刘富泰拉到自己的讨债阵营里来，让他们都有一个共同的欠主黄福高。

他们每人喝了黄精酒又喝一杯蛤蚧雄睾药，三个人的脸色都成了猪肝色。艾鲁志喷着满嘴的酒气说：“富泰，阿捞，你们看我像是老赖么？不像吧。我绝不是那种人，你们一定要相信我艾鲁志。等我们从黄福高那里催回那两百万，我第一个先还你们。”

阿捞撇嘴说：“那得等到哪年哪月啊，姐夫，我现在真的手头很紧哩。”

“是啊，我那个小店想扩大业务，缺的就是那点钱。”刘富泰也附和说。

“你们两个怎么搞的，我说了一个晚上，难道你们都耳朵聋了么？那得，只要是从黄福高那里弄到的第一笔钱，哪怕催得十万八万，我也保证先还你们。如果不还就让鬼刀子劏我去卖。噢哟，你们别用这种眼睛看我，以为我是那种人。以前我艾鲁志不是借过钱给你们吗？”

阿捞和刘富泰想了想，都点了点头表示认同。艾鲁志趁机举起酒杯说：“来，来，来，干完这杯，我们再来一杯百鞭酒。”

在迷蒙的气氛中，三个人花了很长时间来讨论如何对付黄福高，让他把艾鲁志那两百万吐出来。

刘富泰主张找法院打官司，查封黄福高的财产。黄福高在镇上有楼有车，坐的车比县长书记还高级，两样加起来一定能值几百万。可是艾鲁志听了却有些犹豫，如果这样那他和黄福高就做不成兄弟了。一旦法律介入就等于撕破了脸皮，朋友要成冤家了。打官司他也不是没想过，只是打一场官司也是要磨好几年的。就连他跟张冬林要的这点钱，让他劳心费神不说，也没少挨亲戚朋友当面指额头背后说闲话。 （三）