“Cauz guhmaz? Danghnaeuz mbouj dwg gou ngoenzngoenz fat dinjsaenq coi Dunghlinz, de baenzlawz dapwngq boiz cib fanh?” Ai Lujci miz di heiqndat, hoeng gig vaiq hozroengz lo, baklih dwk naeuz:“Mwngz bae guh gij saeh mwngz, gou daeuj cawj byaek.”

Raen bouxgvan bakunq, gij heiq Nungz Caijsiu hix siu liux, de duet bangjndang roengzdaeuj, cug daengz gwnz hwet Ai Lujci bae. Mehyah baenzneix guh, gangjmingz de mboujdanh mbouj heiqndat, dauqfanj miz di sim’angq dem, hoeng de mbouj gangj okdaeuj. Danghnaeuz dwg gaxgonq, de yaek saemzsez daengz gwn caeuz sat, mizseiz daengz hwnj mbonq ninz cij mbouj gangj.

Nungz Caijsiu 48 bi lo, youq yienh yihyen hwnjban, youq fucanjgoh dang husw. De lumjbaenz daezgonq haeuj geizgengnienz nei, vah baez ok bak couh dingz mbouj baenz. Aenvih danhvei guenj yiemz lai, hwnjban mboujndaej gangj geijlai coenz vah, cungj mbaet youq ndaw dungx dauqma cij ndaej raix okdaeuj. Gaxgonq dwg Ai Lujci caeuq dahlwg daih Ai Veihveih dingq de saemzsez, dahlwg dingj mbouj ndaej buen daengz danhvei bae youq lo, seiz mbouj seiz dauqdaeuj gwn canq caeuz he, cuengq vanj le couh okdou. Seizneix caenh lw Ai Lujci bouxdingq he, youzcaih mehyah baklai bakraeuz lo. Seizgan raez le, aenrwz lumjbaenz hwnj daw liux, mehyah baenzlawz gangj de cungj naihsim dingq. Bungz daengz de okdou bae guh seng’eiq, ndawranz mboujmiz vunz dingq de gangjvah lo, de youh bae haw gangj hawj bouxwnq nyi, mboujguenj roxnaj mbouj roxnaj cungj gangj, raen boux roxnaj couh lwnh baenz buenq ngoenz. Mizseiz, daj ndaw haw cawx gaem byaekheu he, caengz dauq daengz ranz cungj rozrwg liux.

Gaxgonq Ai Lujci youq ranz mbouj dwg baenz yaez. De youq yienh vuhswh gunghswh dang gvaq gohcangj, yienznaeuz aen guen neix mbouj suenq ak, hoeng youq ndaw danhvei hix gangj baenz vah. Bouxgvan miznaj mehyah daekeiq, Nungz Caijsiu hix yawj de hwnjda. Mboujgvaq aenvih gvaqlaeng de itdingh aeu seng daeglwg he, famh gij cwngcwz giva senglwg, deng danhvei haicawz lo. Mbouj seng ndaej lwgsai, gohcangj dauqfanj dang mbouj baenz dem, mehyah de nyinhnaeuz noix faenh ngaenz he youh saetnaj, menhmenh couh yiemz de lo, vahgangj ngoenz beij ngoenz nanz dingq, fajnaj hix ngoenz beij ngoenz saep. Yienzbonj seizhaenx hix yaek haicawz Nungz Caijsiu, caeklaiq yienhcangj laeglemx bang de mbat he. Bihaenx mehyah yienhcangj louzei senglwg, ok lwed lai cungj yaek vutmingh liux, caeklaiq gij lwed Nungz Caijsiu caeuq de doxngamj, bouj lwed hawj de le mehlwg cijndaej an’onj. Miz yienhcangj doxbang, Nungz Caijsiu cijndaej laebdaeb guh faenh hong de.

Caenhguenj vanjdiet ngaiz vut lo, hoeng aen ukgyaeuj Ai Lujci lij gig lingzvued. De mbouj dwg cungj vunz ngaiz nyouh mbaet dai haenx, baihdoengh mbouj rongh baihsae rongh, de yaek hai diuzroen moq he okdaeuj, mboujdanh ciengx ndaej swhgeij, hix sawj vunz ndaw ranz gvaq saedceij ndei. De daengz ndaw singz ra vunzsug, gyoengqde mizmbangj gaxgonq youq gunghswh ndaw sengj, gvaqlaeng swzcik okdaeuj gag hai gunghswh guh seng’eiq lo. Miz boux lauxbanj he heuh Cwngz Haunanz, gaxgonq youq sengj gunghswh dang fucucangj, seizneix gag hai aen gunghswh he, gai gij huqdoj ok rog guek bae. Baengh gij gvanhaeh ndei songde, Ai Lujci daj gizde aeu ndaej baet seng’eiq soucawx haeuxyangz he, cawx haeuj gai ok, mbouj geij nanz couh canh ndaej cib geij fanh maenz ngaenz, beij de hwnjban song bi lij canh ndaej lai. Mboujdan ndawsim de onjdangq lo, mehyah hix gingciengz dauq doiq de riunyumj. Seng’eiq yied guh yied hung, ngaenz hix ngoenz beij ngoenz lai, ndaw daeh Ai Lujci mbouj geij nanz couh miz gvaq bak fanh maenz ngaenz, youq ndaw ranz miznaj couh mbouj gangj lo, youq baihrog ndoetlaeuj, gangjvah hix goksasa, mboujdan dwg vah lai sing sang, aj bak haep bak cungj dwg cedmeh de, lij gamj youq doiqnaj vunzlai biq myaiz daengz deihdamj baihnaj dangzvaq dem. Youq ndaw ranz, de aj bak Nungz Caijsiu couh mboujndaej luenh gangjvah. De maij heuh byawz daengz ndaw ranz gwn caeuz couh heuh byawz, cawx gijmaz noh ndoet gijmaz laeuj de hix guenj mbouj ndaej, mizseiz de maij seizlawz ndoet laeuj, ndoet daengz seizlawz bae, Nungz Caijsiu hix mbouj gamj gangj de.

Hoeng, yienghyiengh seizneix cungj dauqdingq gvaqdaeuj lo, cungj gvaiq Vangz Fuzgauh ndaek byajbag neix.

Daeglauh caeuq Liuz Fudai naengh haeuj daiz le Ai Lujci cij siengj daengz caengz cawx laeuj. De liuq Nungz Caijsiu baez he, siengj heuh de bae haw cawx, hoeng de cang mbouj yawjraen, ngaem gyaeuj bang gyoengqde daek haeux. Daeglauh raen gwnz daiz mboujmiz laeuj, cim aen gvihlaeuj henz daiz, riunyaen cam:“Cejfou, mwngz mbouj dwg lijmiz laeujget lwi?”

“Dwg lijmiz geij bingz, gou lij sij mbouj ndaej ndoet ne, caj ngoenzlawz miz saehndei cij ndoet.”Ai Lujci naeuz.

“Hai, cejfou, haxbaenh mwngz dajdienh hawj gou, lumjbaenz dwg miz saehndei bw! Caiq gangj lo, mwngz cungj siengj caj miz saehndei cij ndoet, ngoenzlawz cijndaej ndoet gij laeuj neix ha?”Daeglauh yawj Liuz Fudai baez he, riugan naeuz:“Cejfou, cungj gijmaz nienzdaih lo, mwngz baelawz lij miz gij siengjfap neix ne? Gou gangj ha, mwngz mbouj ndoet laeujndei baelawz miz saehndei ne? Dwg mbouj dwg ha!”(2)

“嘈什么？我这不是天天给他们发短信催吗？不催冬林怎么会答应还十万？”艾鲁志忽然有些来气，但又很快软和下来，用先前的口气说：“你去忙你的吧，这里我来做。”

看见丈夫服软，农彩秀心头的气也跟着消减了，她脱下了围裙，转而绑到了艾鲁志腰上。妻子的这个动作表明，她确实也被他的情绪感染了，也有点小高兴了，但她没写在脸上。要是在往时，她的唠叨要延续到晚餐结束甚至上床睡觉。

48岁的农彩秀在县医院上班，干的是助产士的活。她显然是提前进入了更年期，一说话就没完没了。因为单位管得严，上班没得说多少话，都憋在肚子里待回到家了才倒出来。以前的听众有艾鲁志和大女儿艾薇薇，不过女儿终于挺不住搬到单位去住了，偶尔才回来吃一顿饭，丢下碗就走人。现在家里只剩下他一个听众，只能任凭她狂轰烂炸了。天长日久，耳朵似乎也起了老茧，他不太在意她的啰唆了。遇上他出门做生意，家里没人听她说话了，她就跑到街上去跟别人说，不管生人熟人都说，见到熟人就逮住人家说半天。有时候，从街上买回来的一把鲜嫩青菜没到家就晒得蔫巴巴的了。

以前的艾鲁志在家里的地位可不是这样。他曾经在县物资公司当科长，虽说不是什么肥缺，但在单位也算是个角色。夫贵妻荣，农彩秀对他也是挺客气的。不过后来因为他执意要生一个男孩，违反了计划生育政策，被开除了公职。男孩没生出来，但好端端的艾科长变成了无业人员，她觉得家里既少了一分工资又丢了面子，于是就慢慢从心底对他生出一些怨气，说的话越来越不好听，脸色也愈来愈不好看。那时候本来也要开除农彩秀的，但幸亏有县长暗地里帮了她一把。当年县长老婆难产住院，流血过多，差点丢了性命，好在年轻的助产士农彩秀血型相符，把血输给她，母子平安了。关键时刻，县长出手相帮，农彩秀才逃过一劫。

尽管丢了铁饭碗，但艾鲁志的脑子还是比较灵光的。他不是那种让尿憋死的人，东方不亮西方亮，他一定要自己闯出一条生路来，不只是养活自己，而是要让一家人过上好日子。他找到了几个在省城的熟人，有的原来也是省公司的，后来辞职出来自己开公司做生意了。有个叫程浩南的老板原先就是省公司的副处长，自己开了个进出口贸易公司，专营土特产贸易。凭着之前的关系，艾鲁志从他那里接到了一单收购薏谷的生意，一进一出，一下子就净赚了十多万元，比他上班两年挣的还多。不仅他心里踏实了，老婆的脸也渐渐阴转情，对他的态度也来了个大转弯。生意越做越大，存款也日渐丰厚，艾鲁志不声不响就成了百万富翁，在家里的地位自然不用多说，在外头做局喝酒说话也不同了，不只是话多嗓门高，开口闭口老子老子的，还不时当众往裤裆前的地毯上吐痰。在家里，农彩秀是要看他脸色说话的。他爱叫谁到家里吃饭就叫谁，吃什么肉喝什么酒她也管不着，甚至是他爱什么时候喝酒，喝到什么时候她也不敢吱声。

然而，现在一切都颠倒过来了，都怪那个天杀的黄福高。

阿捞和刘富泰如约而来，坐上桌边艾鲁志才意识到没有买酒。他瞟了农彩秀一眼，示意让她去街边去买，但她似乎装着没有看见，径自往几只空碗里舀饭。阿捞觉察到了他的尴尬，目光盯上了厨柜旁边的酒柜，狡黠地探询说：“姐夫，你不是还有老酒吗？”

“是还有几瓶，我才舍不得喝呢，还是等哪天有好事情才喝吧。”艾鲁志说。

“嗨，姐夫，我怎么听你电话的时候好像有什么好事呢？再说了，你老等着有好事才喝，哪天才能喝上你的酒啊！”阿捞察言观色地看了刘富泰一眼，诡谲地说：“姐夫，都什么年代了，你怎么还有这样的想法呢？我的理论是，你不喝好酒怎么会有好事呢？是不是啊！”

（二）