9 nyied 29 daengz 30 hauh, Cungguek Saujsu Minzcuz Sueng Vah Sonhag Yenzgiuvei caeuq Gvangjsih Minzcuz Dayoz youq Namzningz doengzcaez gawjbanh daihngeihcib it baez daengx guek saujsu minzcuz sueng vah gyauyuz yozsuz yenz- daujvei.

200 lai boux lauxhangz daj daengx guek 17 aen sengj、 si、 swcigih Gun、 Cuengh、Mungz、 Veiz、 Veizvuzwj、 Hahsazgwz daengj 20 lai aen minzcuz daeuj haenx doxcomz youq Gvangjsih Minzcuz Dayoz, doxyaeng baenzlawz hwngfat guek raeuz saujsu minzcuz sueng vah gyauyuz.

Gyauyuzbu、 Guekgya Minzveij、 Gvangjsih Bouxcuengh Swcigih Minzveij nem Gyauyuzdingh caeuq Gvangjsih Minzcuz Dayoz mbangj lingjdauj camgya gaihmusi.

Yinzminz Cuzbanjse fucungj- benh Cwng Vangcenz guh le gij baugau “Yenzgiu caeuq saedhengz cienzyizci minzcuz cungh siujyoz Sawgun gocwngz biucinj”; Cungguek Saujsu Minzcuz Sueng Vah Sonhag Yenzgiuvei yungzyi veicangj Dingh Vwnzlouz gyausou gejdap le gij vwndiz sueng vah gyauyuz daihroek baez daengx guek minzcuz gyauyuz gunghcoz veiyi; Gvangjsih Boux- cuengh Swcigih Gyauyuzdingh Minzgyaucu cucangj Veiz Lanzmingz gaisau le gij gingniemh Gvangjsih Cuengh Gun sueng vah gyauyuz.

Linghvaih, gyoengq lauxhangz doiq cwngcwz vahgangj、 sueng vah gyauyuz caeuq minzcuz vwnzva swnjcienz、 sueng vah gyauyuz hwngfat duicwz yenzgiu、 sueng vah gyauyuz hwngfat vunqsik guek raeuz daengj vwndiz guh le doxyaeng.

(Vangz Vwnzgenh/王文娟)