Boux Lauxsae Diegbya

Gaemh Faexdwngx Hwnjdangz 37 Bi

Yungzanh Yen Dunghgij Yangh Cangzfungh Cunh Siujyoz dwg aen “hagdangz iq” diegbya he, bineix seizcou haggeiz haihag, ngamq miz 4 boux hagseng ngeihnienzgaep caeuq 4 boux hagseng yozcenzbanh. Lij Cauzvwnz lauxsae bineix gaenq ndaej 57 bi lo, de dwg aen “hagdangz iq” neix boux lauxsae dog. Lij Cauzvwnz sonsaw gaenq ndaej 37 bi lo, bi 1986 de bae ranz hagseng cunzranz, youq gwnz loh de laemx sieng mbiengj ga ndeu, bienqbaenz bouxga’gvez, gaenh 30 bi neix daeuj, Lij lauxsae baengh ga dog gaemh faexdwngx vih aen “hagdangz iq” neix hwnjdangz.

Lij lauxsae yienznaeuz ga’gvez, hoeng de itcig vih aen “hagdangz iq” neix cengqgengz hwnjdangz, boux dog son gyoengq lwgnyez yijvwnz、 suyoz、 ciengqgo daengj 6 monz goq. Cib bi neix daeuj, mboujlwnh fwndoek byajraez, de cungj bae hwnjdangz, mbouj dingz saek dangz saw, de naeuz: “Vihliux hawj lwgnyez diegbya ndaej doegsaw, caeuxdi byaij ok diegbya, de nyienh souj youq gizneix, vanzlij mbouj miz saek coenz vah’ienq.”

（Cinz Gaijhingh/谭凯兴）