Swcigih Sinhvwnz Cuzbanj Gvangjdengiz caeuq Swcigih Minz- yijveij 9 nyied 7 hauh hainduj lienzhab youq Lungzcouh Yen gawjbanh bi 2015 daengx gih minzyij gvangjbo densi bouxboqyaem bouxcujciz beizyinbanh. 31 boux bouxcujciz daj daengx gih 24 aen yienhsi gaenq cuengqok roxnaeuz yaek cuengqok gvangjbo densi vah minzcuz daeuj haenx camgya le baez beizyin neix. Gyoengq yozyenz cawz miz bouxboqyaem caeuq bouxcujciz cezmuz Vahcuengh le, lij miz gvangjbo densi cezmuz bouxboqyaem caeuq bouxcujciz Vahyauz、 Vah- myauz、 Vahmulauj、 Vahmauznanz dem.

Ciuq cam rox, baez beizyin neix dwg song ngoenz, cawjbanh danhvei iucingj boux lauxhangz daengx gih gvangjbo densi cezmuz caeuq guh hong vah saw minzcuz daeuj hwnj- dangz. Hwnjdangz neiyungz baugvat 《Banjdaeuz Fanhoiz Gvangjbo Densi Vahcuengh》、 《Gihbwnjgungh Boq- yaem Vah Minzcuz Caeuq Sinhvwnz Ciendaez Boqyaem Cujciz Gaiyau》、《Bouxboqyaem Youq Baihnaj Gingqdaeuz Gihbwnj Gveihfan》 daengj 7 aen gohmuz. Hwnjdangz neiyungz lai cungj lai yiengh, vanzlij anbaiz lauxhangz doiq yozyenz yenjbo cezmuz guh diemjbingz.

Swcigih Minzyijveij fucujyin Yangz Gijbyauh、Swcigih Sinhvwnz Cuzbanj Gvangjdengiz mbangjboux lingjdauj camgya haiban yizsi. Yangz Gijbyauh youq seiz haiban yizsi guh le gangjvah, vanzlij vih yozyenz beizyinbanh hwnj le dangz goq 《Vah Saujsu Minzcuz Gvangjbo Densi Vwnzva Swnjcienz Caeuq Sawjmingh》 dem.

(Luz Gunh/陆 琨)