9 nyied 6 hauh, Namzningz Si daihroek gaiq yanghcunh segih doxhuz vwnzyi daihcomzyienj cingqsik haimuq, ciengz daih’it dwg yienhgih、gaihfazgih cuj diuqfoux yienjheiq doxdax, ciengz doxdax neix ndei yawj raixcaix.

Ciuq cam rox, 26 aen cezmuz ndaej senj haeuj haenx, dwg gak yienhgih、 gaihfazgih gagsij cezmuz, gag bien gag yienj, faenbied yienh’ok gij vwnzva mbouj doengz dieg caeuq daegsaek minzcuz. Ndawde, Sanglinz Yen diuqfoux cezmuz 《Ngaizbakranz Mwngz Daeuj Mbouj Daeuj》，cungfaen yienh- ok ngaizbakranz daegsaek minzsuz hozdung Sanglinz Yen, hawj gij ciengzgingj ngaizbakranz、 ciengzmienh gyoengqvunz angqhoh doenggvaq diuqfoux dungcoz yienj okdaeuj. Cawz gij diuqfoux cezmuz miz daegsaek minzcuz le, lij miz gij diuqfoux cezmuz aeu “gyong” “gaeuvaiz” guh daezcaiz dem.

(Dangz Ciuhyen/唐秋艳）