9 nyied 3 hauh, Sanhgyangh Dungcuz Swciyen gawjbanh gaiq daih’it ciet maxdoxdik, ca mbouj geijlai miz 30 duz max daj Liujcouh、 Yungzsuij daengj dieg daeuj haenx youq Sanhgyangh Dung’yangh ciengzdoxdax rongzroeg doxdax sam ngoenz, yinx ndaej haujlai hekyouz daeuj yawjngonz.

Gaenh geij bi neix daeuj, Sanhgyangh “ngoenzngoenz yienj naenghhwnz、 aen’aen singgeiz gwn ngaizbakranz、 ndwenndwen gvaq ciet minzsuz”, haenqrengz laebguh Guengjsae yienh okmingz daegsaek lijyouz caeuq daengx guek yienh byauhcunj sifan lijyouz, bineix 1 daengz 7 nyied, daengx yienh gungh ciepdaih hekyouz 267.9 fanh vunzbaez, lijyouz cungjsouhaeuj 17.33 ik maenz.

(Gungh Bujgangh/龚普康）