●9 nyied 1 daengz 11 hauh, Fuzsuih Yen youq yienh vwnzva yisuz canjlanjgvanj gawjbanh Cungguek yinz- minz gang Yiz cancwngh caeuq seiqgyaiq fanjfazsihswh cancwngh ndaejhingz 70 hopbi sawmauzbit meijsuz ingjsiengq cozbinjcanj. Doenggvaq gawjbanh baez hozdung neix, hawj gyoengqvunz geiq- maenh lizsij、 siengjniemh senhlez、 insik swnghhoz vuenyungz seizneix.

(Liengz Cenzdungh）

●Mboengqneix daeuj, Ginhsiu Yauzcuz Swciyen gaenxgoemx hoizguh bouh denyingj Vahyauz 《Yaengx Fwngz Hwnjdaeuj》 he，hong hoizguh youz yienh vwnzva’gvanj、 hagdangz lauxsae caeuq dangdieg vunzlai Yauzcuz camgya hoiz- guh boiqyaem, ciuq aen yienh neix fungsug minzcingz daegsaek yungh Vahyauz hoizguh cuengqok, caenh- itbouh gikfat vunzlai ndatcingz gyaez guek.

(Yiz Canghyungz）

●9 nyied 2 hauh, Lingzyinz Yen Ya’gyaz Cin Mbanjbingzvaiz caeuq Yihungz Yauzcuz Yangh Mbanjgiuj- gyangh lienzhab haibanh laebbaenz Lingzyinz Yen aen daih’it hamj yangh (cin) bouxcoz dauqma ranzmbanj doxgap cauxnieb gihdi. Neix dwg aen yienh neix ndawbiengz baez daih’it lienzhab, hix dwg Lingzyinz Yen byaij ok diuz lohmoq bangfuz doxgap “fouq bang gungz ·caez hwngfat” he.

(Vangz Yenzyungz Cwng Senh- linz)

●Gaenh geij bi neix, Lozcwngz Mulaujcuz Swciyen gonqlaeng gawjbanh 83 geiz beizyinbanh, beizyin canghyw lajmbanj 5520 vunzbaez, 2012、2013 nienz, lij gawjbanh song geiz beiz- yinbanh, beizyin canghyw lajmbanj doigvangq Cunghyih. Dangqnaj, aen yienh neix miz 176 boux hagseng lajmbanj, 153 boux miz swhgwz.

(Veiz Yuzdai Mungz Cwnghswh)

●Geij ngoenz neix, 《Cuengq Mbin Siengjmuengh Cungguek, Youq Baekging Doxcomz》 bi 2015 daihhingz yinhyoz comyienj youq Baekging gawjhengz, Baksaek Si Sihlinz Yen Loz Hauyiz gagsij goswz 《Siengjmuengh Cungguek Gyaeundei》 ndaej daengz conhgyah nyinhhawj, doeklaeng ndaej aen gim ciengj guhswz Cungguek Yinhyoz Hezvei fat haenx.(Cinz Yicungh)