Minghyinh dwg daj saeh iq rom ndaej daeuj. Youq ndaw saeh iq rom angqriu, rom raemxda, rom gingniemh, rom roxhit, nanz le couh swhyienz rom minghyinh lo.

Bouxvunz youq gwnzbiengz, aen daihsaeh gaijbienq mingh- yinh dwg daj ndaw saeh iq ndaej daeuj, gocwngz baenzgoeng couhdwg baez di baez di rom hwnjdaeuj. Moix di gingniemh rom baenz caizhag, saeh iq dwg diuzloh guh baenz daihsaeh haenx.

Gunghcoz mbouj dwg saeh iq, hagsib mbouj dwg saeh iq, gwndaenj mbouj dwg saeh iq, binjdwz mbouj dwg saeh iq, moix gienh saeh iq caemh ndaej rom baenz daihsaeh, raeuz mbouj miz lijyouz mbouj gvansim saeh iq, mbouj miz lijyouz mbouj dawz saeh iq dangguh daihsaeh daeuj doiqdaih, mbouj miz lijyouz mbouj guh ndei moix gienh saeh iq. Daj saeh iq guh hwnj, daj diemjdik guh hwnj, menhmenh bae guh, rom noix baenz lai, baez di baez di bae guh, itdingh guh ndaej baenzgoeng hungraeuh.

Fanj gvaqdaeuj gangj, danghnaeuz mbouj gvansim saeh iq, aiq dwg gwndaenj cungj bienq rwix, guh ok gij saeh yingjyangj seiqvunz caeuq minghyinh daeuj. Vahsug gangj: Saeh iq gouz sienhhung, hot iq laeb daihdaek; hot iq mbouj gamhanh, doeklaeng baih daihdaek. Danghnaeuz raeuz mbouj gvansim swhgeij hengzdoengh caeuq gangjvah, neix rox gvendaengz baenz- goeng caeuq saetbaih, rox gaijbienq seiqvunz fazcanj fuengyiengq, cauxbaenz saehhung caeuq cainanh.

Vih gij saehhung daengzcog maeuz giva, raeuz mbouj miz maz lijyouz mbouj guh ndei moix gienh saeh iq.