● 8 nyied 26 hauh, Youq Yungzanh Yen Cangzanh Cin Veiyisiz, Yungzanh Yenveij Dungj- canbu caeuq Gveilinz Si Yizfungh Gihveij Dungjcanbu comz Yizfungh Gih 5 aen giyez caeuq Yungzanh Yen 5 aen mbanjhoj ciem sawhezyi, gyoebdoih doxcoengh, hawj dieg gungzhoj lai vaiq byaij haeuj siujgangh sevei, vunz gungzhoj gyavaiq duethoj baenzfouq.

(Cinz Ginghoz)

●8 nyied 26 hauh, Gveigangj Si Minzcunghveij fat cienzngaenz bangcoengh haeujhag hawj 25 boux hagseng, gyoengqde dwg hagseng maenhndei saujsu minzcuz ranz daegbied gungzhoj. Fat gij cienz- ngaenz neix hawj gyoengqde ndaej haeujhag. Sam bi daeuj, aen danhvei neix gungh coengh 93 boux hagseng, gungh fat 21.2 fanh maenz.

(Veiz Giva)

●Bineix sujgyaj, Lungzswng Gak Cuz Swciyen roengz 600 lai fanh maenz, gaijguh gij laeuz ndaw cungh siuj yozyau, baugvat laeuzsonhag、yindungcangz、laeuz hagseng ninz、sizdangz hagseng daengj, caenh’itbouh gaijndei diuz- gen banhhag, hawj lauxsae nem hagseng lai vuenyungz angqyangz.

(Banh Cisiengz Yangz Yencaiz)

●8 nyied 25 hauh, Gveibingz Si Cwnghez gawjhengz yizsi fat cienzngaenz bangcoengh dayoz- swngh moq; miz 24 boux ndaej cienz banghag, moix boux 3000 maenz. Ciuq cam rox, Gveibingz Si Cwnghez Gien Cienz Banghag Hezvei daj 2007 nienz daeuj, ciuheuh doenghboux gyaez coengh, gungh gien 178 fanh lai maenz, coengh 2059 boux hagseng cingzcik ndei、ranz gungzhoj de ndaej doegsaw.

(Cenz Libingh)

●Gaenh bi daeuj, Lozcwngz Mulaujcuz Swciyen haenqrengz sonyinx nungzminz dajndaem makit, gaijndei vanzging, hawj nungzminz ndaej laisou. Dangqnaj, daengx yienh ndaem miz 7.5 fanh moux makit. Ciuq cam rox, bineix aen yienh neix guj sou makit 9000 dun, canjciz 6300 fanh maenz.

(Se Sinyenz)