8 nyied 8 hauh daengz 9 hauh, ndaw mbanj Ginhsiu Yauzcuz Swciyen Cangzdung Yangh Mbanjgujcan caeuq Ginhsiu Cin Mbanjroekduenh nauhyied raixcaix, gyoengq hekyouz daj gak dieg daeuj haenx caenx rim diegdangz. Ngaiz daiz raez、 ngaiz bak ranz、 heiq ndawbiengz biujyienj daengj, hawj gyoengq hekyouz caenndang daejniemh ndaej mbouj doengz minzcuz funghcingz Yauzcai.

Youq Mbanjroekduenh, gyoengq hekyouz ndaej yawjngonz gij ndangdaenj、gofoux yenzswnghdai Yauzcuz lai cungj lai yiengh, vanzlij ndaej yawj funghrug dahsau Yauzcuz, camgya Yauzcuz funghcingz hozdung “benzlaeuz doxraennaj”, gwn “ngaiz bak ranz” Mbanjyauz daengj，muenxcuk gyoengq hekyouz gij yienzfaenh Yauzcai Roekduenh.

Geij bi neix daeuj, Ginhsiu Yauzcuz Swciyen baengh seizndei aen hozdung laebbaenz Guengjsae aen yienh daegsaek lijyouz mizmingz haenx, gaenq guhbaenz Mbanjgujcan、Mbanjroekduenh、 Mbanjmung daengj Yauzcai swnghdai minzsuz vwnzva lijyouz funghcingz, gyoengq hekyouz daeuj daengz Ginhsiu, bae geij aen mbanj neix cungj ndaej caenndang daejniemh daengz cungj feihdauh minzsuz vwnzva Yauzcai nyuenz miz neix.（Yiz Canghyungz/余昌榕）