8 nyied 8 hauh(liggaeuq ndwenloeg ngeihcib seiq), Lungzlinz Gak Cuz Swciyen Dwzngoz Cin Baujsang Cunh Mbanjahgauj beixnuengx Yizcuz angqhoh ciet bogfeiz moix bi gvaq baez haenx. Ngoenzde, 42 boux Daizvanh Vahlenz vunzcojyouq canhfangjdonz daeuj daengz Mbanjahgauj caeuq dangdieg beixnuengx Yizcuz doxcomz caez gvaq ciet, youh ciengq youh diuq, doengzcaez angqhoh aen ciet neix, yienh’ok gij cingzeiq beixnuengx minzcuz naekna. Hozdung dangngoenz yinx daeuj seiq mienh bet baih hekyouz ca mbouj geijlai 5 fanh vunzbaez daeuj daengz Mbanjahgauj camgya ciet bogfeiz.

Ngoenzde, beixnuengx song hamq doengzcaez hwnjdaiz biujyienj. Lungzlinz beixnuengx Yizcuz yienj go foux Yizcuz, beixnuengx Daizvanh hix yienj heiq foux yenzswnghdai minzcuz, ndei yawj raixcaix, gyoengq bouxyawj bekfwngz hemq ndei. Gaenlaeng, gij hozdung Yizcuz conzdungj ndawbiengz ciengj bawxmoq、 aemq bawxmoq、 daz najndaem daengj, beixnuengx song hamq doengzcaez camgya hozdung, yienhciengz nauhyied dangqmaz, cingzeiq beixnuengx naekna raixcaix.

(Linz Binh/林斌 Loz Mingzgauj/罗明考 Yangz Dwnghliengz/杨登良)