7 nyied 30 hauh banhaemh, Lozcwngz Mulaujcuz Swciyen cingqsik haibo《Sinhvwnz Vahmulauj》. Ndaw cezmuz neix bouxcujciz daenj ndangdaenj minzcuz, gig ndeiyawj, gangj Vahmulauj, gig ndeidingq, vunzlai yawj le, cungj haenhndei.

Daj bi’gvaq daeuj, Lozcwngz Mulaujcuz Swciyen hainduj naemj haibo densi lanzmuz Vahmulauj, daj bi’gvaq buenq bi laeng couh guh hong bwh hai《Sinhvwnz Vahmulauj》. Bineix yienh caizcwng anbaiz le 15 fanh maenz, yungh daeuj guh hong haibo densi lanzmuz Vahmulauj, bauj miz cienz haibanh lanzmuz.

Ndaej Swcigih Minzveij、Minz- yijveij、Hozciz Si Minzveij、Minzyijveij roengzrengz bangcoengh, aen yienh neix haenqrengz guh hong bwh haibo, daengz bineix 7 nyied ndaej haibo.

Densi lanzmuz Vahmulauj haibo le, hawj gih raeuz gyalai aen yienh miz densi lanzmuz vah saujsu minzcuz, neix gig ndei dwk sawj vunzlai Mulaujcuz lai ndaenggon, gya miz saenqsim, doiq daengx yienh minzcuz doxgiet gig mizyungh.

(Lungz Yenjhungz/龙远宏)