我走了很长的一段路，仍然没见父母来。我开始觉得着急，后来就变成了埋怨甚至愤怒：这么晚了，你们也放心让我一个人在野外啊？

走着走着，我流泪了。我已经不害怕黑夜，但我害怕渐渐漫上心头的那种被父母抛弃、没人在乎的感觉。

终于，黑暗中看见有一辆自行车迎面驶来。突然，我听到了一个女子说话的声音。我的心跳了一下，毫不犹豫的喊了一声：“妈！”

“哎！”那个女子立即回应了一下，从那辆自行车的后座上跳了下来。

是母亲。她那清脆的声音，在任何环境下都可以辨认出来。

黑暗中，我们彼此迎面走去。

原来，我那些不懂事的同学并没有告诉我父母。天黑了，母亲见我久久未归，实在放心不下，饭还没吃就出来找我了。

十多年后，我和母亲无意中谈起此事。她说，那天她根本不知道我在哪里砍柴。只好胡乱选择了一个方向去找。一路上，她觉得走得太慢，就不断地拦截路过的手扶拖拉机，但就是没有一辆停下。最后碰上一个骑自行车的男子，母亲十分冒险地请求那男子给她搭了一段。她说，如果找不到我，她将一直走下去，走下去……

天啊，母亲如果不说，那将是一段烂在心底里的故事。那晚，母亲要是找不到我而一直走下去，那将会发生什么状况呢？如果那个男子起了歹心，那将是怎样的结果呢？

在特殊情况下的寻找，总是牵肠挂肚而充满危险的。

而今天，我那七十多岁的老母亲出门找我，这又是为了什么呢？

南宁的夜晚，总是很热闹的。汽车、自行车在路中疾驰，路人则在路灯下慢悠悠的走，各有各的心情。但恐怕没有谁如我们那样充满焦虑。我们的目光专门往老者身上瞄。每当看到行动迟缓的老者，我就希望那是就母亲。但总是失望。人海茫茫，谁知道母亲是在哪个角落呢？此时是十一月，南宁早晚凉，白天热，母亲出门时肯定穿着单薄，她会不会正躲在哪个角落打哆嗦呢？出来这么久，还没得吃饭，不知身上带不带钱，懂不懂得买东西吃？找不到我，又忘了回家的路，是不是害怕了？最要命的是，母亲尿频，在家时，每隔半个小时就得上厕所，那么，在大街上她能找到地方方便吗？

沿着大街走了一圈，实在没辙，我们只好返回了。妹妹说，她在母亲家附近的几所大学校园里打着电筒找了，也没找着。

我们只好等，等派出所的消息。

晚十一点，我的电话响了。是一个陌生的电话。果然是警察。他说，你妈迷路了，我们送来了，你赶快回来接。

我赶紧从岳父家赶回单位，看见母亲安静地坐在门卫室门口的椅子上，微微地笑。警察说，还好，她还记得你的名字和单位。谢过警察，等他们走了，我便无奈地指着母亲说，你呀你呀，知不知道我们找你找得很苦啊？母亲却像个孩子似的，微笑着，有点不好意思。

还好，母亲身上穿着很厚的上衣。但裤子却很单薄，脚穿拖鞋，手里攥着一个矿泉水瓶和一只白色塑料袋；瓶子里已经没水了。塑料袋里装着几颗核桃仁。

我的宿舍就在单位的院子里。把母亲带回家，正好有面包，母亲是一阵狼吞虎咽。

随后我问，你找我干嘛。她说，你不是要找什么电视报吗，我帮你找着了。

我什么时候要她找啊，何况她手里并没有任何报纸。

她肯定是因为一时迷糊才做出这样的举动。

我觉得做孩子的很幸运。我们这一辈子无论走到哪都不怕丢失，因为在这个世上总有一个人在寻找我们。

人的一生，是不是在亲情的寻找过程中完结的？

过了几天，我给一直在学校寄宿、忙着高考的女儿打了个电话，说，你有空回来看看奶奶吧。

她也许并不知道我为什么这样说。

（三 完）

Gou byaij le haujlai nanz, lijcaengz yawjraen bohmeh daeuj ciep. Gou hainduj simgip lo, gvaqlaeng bienq ienq caeuq ndaenq: Baenz haemh lo, gou bouxdog youq rog ndoi sou mbouj nien ha?

Byaij dwk byaij dwk, raemxda gou lae roengzdaeuj lo. Gou gaenq mbouj lau laep, hoeng gou lau bohmeh mbouj aeu gou mbouj leixlangh gou.

Doeklaeng, yawjraen ndaw laep miz vunz gwih danci gvaqdaeuj. Sawqmwh, gou dingqnyi mehmbwk he gangjvah. Gou doeksaetyat, rongx sing he:“Daxmeh!”

“Ae!”Mehmbwk haenx sikhaek dapwngq, daj daengqlaeng danci diuq roengzdaeuj.

Dwg daxmeh. Gij singgok de, youq gizlawz cungj dingq ndaej ok.

Mbwn laepcupcup, dou doxcoux gvaqbae.

Laxlawz, gyoengq doengzhag gou mbouj rox saeh haenx bouxlawz cungj mbouj naeuz hawj bohmeh gou. Mbwn laep le, daxmeh raen gou baenz nanz caengz dauq, sim mbouj onj, haeux caengz gwn couh okdaeuj ra gou.

Cib lai bi le, youq mwh gangjgoj, daxmeh caeuq gou lwnh gienh saeh haenx. De naeuz, ngoenzhaenx de mbouj rox gou youq gyawz raemj fwnz, couh gag genj diuz roen he bae ra. Gwnz loh, de nyinhnaeuz byaij menh lai, couh mbouj dingz mbouj duenh lanz soujfuz dohlahgih gvaq loh haenx, hoeng mboujmiz saek aen dingz roengzdaeuj. Doeklaeng bungz daengz bouxsai gwih danci he, daxmeh yungyiemj dwk gouz bouxsai haenx dap de duenh loh he. De naeuz, danghnaeuz ra mbouj raen gou, de couh itcig byaij roengzbae, byaij roengzbae……

A, daxmeh danghnaeuz mbouj gangj, aen goj neix couh naeuh youq ndawsim lo. Haemh haenx, danghnaeuz daxmeh ra mbouj raen gou cix itcig byaij roengzbae, yaek ok gijmaz saeh? Danghnaeuz bouxsai haenx yak sim, doeklaeng youh dwg baenzlawz?

Seizhaenx ra vunz, yousim youh yungyiemj.

Ngoenzneix, daxmeh caeb cib lai bi gou ok dou ra gou, gijneix youh dwg vihmaz ne?

Banhaemh Nanzningz, cungj nauhyied raixcaix. Heiqci、danci youq gwnz loh buet bae buet dauq, gyoengqvunz youq laj daengloh menhmenh byaij, gag siengj gij saeh ndawsim. Hoeng mboujmiz byawz lumj dou nei nyapnyuk simgip. Lwgda dou cungj cienmonz yawj bouxgeq. Baez raen bouxgeq lawz byaij ndaej menh, gou couh maqmuengh de couh dwg daxmeh. Hoeng cungj dwg saetmuengh. Vunz lai vunz daih, byawz rox daxmeh youq gyawz? Seizneix gaenq dwg ndwen cib’it, Nanzningz haet haemh liengz, banngoenz hwngq, daxmeh okdou seiz haengjdingh daenj buhmbang, de dwg mbouj dwg cingq ndoj youq gakciengz saenzdedded ne?Okdaeuj baenz nanz, lijcaengz ndaej gwn doxgaiq, mbouj rox gwnz ndang daiq ngaenz lwi, rox mbouj rox gag cawx doxgaiq gwn? Ra mbouj raen gou, youh lumz loh dauqranz, dwg mbouj dwg hit lai la? Ceiq youqgaenj dwg, daxmeh nyouh lai, youq ranz seiz, buenq diemjcung couh ok baez nyouh he, youq gwnz gai de ra daengz diengzhaex lwi?

Riengz gai hung ra gvaengx he, ngaeuz cungj mbouj raen, dou caenhndei dauqranz. Dahnuengx naeuz, de youq ndaw suenhag geij aen dayoz henznden ranz daxmeh ra gvaq, hix ra mbouj raen.

Dou caenhndei caj, caj gij siusik baijcuzsoj.

Banhaemh cib’it diemj, dienhvah gou yiengj lo. Dwg aen hauhmax mbouj sug he. Dwg gingjcaz daj gvaqdaeuj. De naeuz, daxmeh mwngz loeng loh lo, dou soengq gvaqdaeuj, mwngz vaiqdi daeuj ciep.

Gou ganjgip daj ranz bohda ganj dauq danhvei, raen daxmeh andingh dwk naengh youq gwnz eij bakdou mwnzveisiz, riunyumnyum. Gingjcaz naeuz, lij ndei, de lij geiq ndaej aen coh caeuq danhvei mwngz. Docih gingjcaz, caj gyoengqde dauqbae le, gou gangj daxmeh, mwngz ha mwngz ha, rox mbouj rox dou ra mwngz sinhoj dangqmaz? Daxmeh cix lumj boux lwgnyez nei, riunyumnyum, miz di mbouj ndei eiqsei.

Lij ndei, gwnz ndang daxmeh daenj buhna. Hoeng geu vaq gig mbang, din daenj haizdaz, ndaw fwngz lij gaem bingzraemx he caeuq aen daehgau hau he; ndaw bingz gaenq mboujmiz raemx lo. Ndaw daehgau miz geij naed ngveihhwzdauz.

Ranz gou couh youq ndaw hongh danhvei. Daiq daxmeh daengz ranz, dingjlingz miz geij aen mienhbau, daxmeh yaepyet couh gwn liux.

Gvaqlaeng gou cam, mwngz ra gou guhmaz. De naeuz,mwngz mbouj dwg siengj ra gijmaz densibau lwi, gou bang mwngz ra ndaej lo.

Gou seizlawz heuh de ra ha, caiqgangj ndaw fwngz de hix mbouj raen saek mbaw bauqceij ha.

De haengjdingh dwg gyaeujuk mbouj singjseuq cij baenzneix guh.

Gou gagnyinh guh daeglwg de dwg caijsoq ndei. Ciuhvunz dou mboujlwnh byaij daengz gyawz cungj mbouj lau doek, aenvih youq gwnz seiqgyaiq neix cungj miz vunz ra dou.

Daengx ciuh vunz, dwg mbouj dwg daengz dai cungj dwg racimh bouxcaen?

Gvaq le geij ngoenz, gou daj dienhvah hawj dahlwg, de itcig youq ndawhag youq、baenq dwk bwh camgya gauhgauj, naeuz, mwngz ndaej hoengq couh dauqdaeuj yawjyawj yahbuz ba.

De lauheiq mboujrox gou vihmaz baenzneix gangj.

(3 sat)