Haeujsim 1: Gaej gwn dansonh yinjliu daiq lai. Aenvih mbwn ndat, ndang vunz ok hanh lai, caemhcaiq sied raemx lai, boux baenz bingh- nyouhdangz aeu gwn raemx lai cij ndaej fuengz duet raemx. Boux baenz binghnyouhdangz hab gwn raemxgoenj、raemxcaz cit、gvangcenzsuij daengj yinjliu mbouj hamz dangz haenx, mbouj hab gwn gojloz、sezbiz. Ciuq liujgaij, binaengz cungj raen miz- mbangj boux baenz binghnyouhdangz aenvih dam gwn dansonh yinjliu daiq lai raemhrwnh maezgae deng soengq bae yihyen duenq yw. Danghnaeuz vunzbingh ok hanh haemq lai le mbouj ndaej gibseiz gwn raemx, vunz couh yungzheih maezgae bae.

Haeujsim 2: Habdangq gwn yinjliu gyoet、lwgmak. Doiq boux baenz binghnyouhdangz daeuj gangj, aenvih ndaw lwgmak hamz miz daihliengh veizswnghsu、nyinzsei caeuq gvang- vuzciz doxgaiq, boux hanhhaed hez- dangz haemq ndei haenx ndaej hab- dangq gwn di he, hix ndaej habdangq gwn di yinjliu gyoet he, danhseih aeu youq gwn haeux sat songsam diemj cung cij ndaej gwn, mboujgvaq, aeu hanhhaed gaej gwn lai, doengzseiz daengz donq gwn haeux seiz iekliengh gwn haeux noix di.

Haeujsim 3: Mbwn ndat hix aeu habliengh yindung. Vih mienx deng ndit cigsoh ciuq daengz, gizdieg yindung ceiq ndei caenhliengh youq ndaw ranz daeuj guh. Danghnaeuz itdingh aeu ok rog ranz bae yindung, hix aeu youq haetcaeux roxnaeuz haeujhaemh bae guh, gaej yindung daiq haenq lai. Linghvaih, mwh yindung seiz gaej daenj buhvaq ndaet caemhcaiq aeu doengheiq ndei, gibseiz bouj gwn raemx.