7 nyied 23 daengz 27 hauh, Ginanz Dayoz Bouxcoz Bouxgagnyienh Hezvei bae daengz Denzyangz Yen haiguh aen cawjdaez dwg“doengzcaez majhung” cunzranz hozdung, aen cunzranz hozdung donzdui Bouxcoz Bouxgag- nyienh “lwghag bangcoengh dajsuenq gietdoiq” youz 21 boux lauxsae hagseng gyoebbaenz haenx, bae daengz ndaw yienh le couh faenbaenz 3 aen siujfaendoih, youz ndaw yienh yangh gak gaep donzveij daiq roen, faenbied bae daengz gak yanghcin lajmbanj, doiq faenbouh youq daengx yienh gak mbanj 100 boux cungh、 siuj hagseng ranz gungzhoj cug aen guh cunzranz, caeuq hagseng gungzhoj it doiq it、 naj doiq naj gangjgoj gyauhliuz, ciengzsaeq cam rox cingcuj gij cingzgvang hagseng hagsib swnghhoz gungzhoj, gujli gyoengq gungzhoj hagseng haenx yied gungzhoj couh aeu yied roengzrengz doegsaw, vanzlij moix baez daengz ranz cunzranz sat le, bouxcoz bouxgagnyienh hezvei hawj moix boux gungzhoj hagseng 500 maenz cienzbangcoh. Ndaw doz dwg daih’it siujfaendoih bae daengz aen yienh neix Yifung Cin caeuq hagseng gungzhoj haenx it doiq it、 naj doiq naj gangjgoj gyauhliuz.(Vangz Gozsun/黄国顺)