8 nyied 1 hauh lajbyongh- ngoenz, Gvangjsih 2015 nienz Vah- cuengh Sawcuengh suijbingz gaujsi youq Gvangjsih Minzcuz Dayoz gawjhengz. Gaujsi seizde, Swcigih Minzyijveij fucujyin Yangz Gijbyauh nem Gvangjsih Minzcuz Dayoz mizgven lingjdauj cunzyawj gaujsi.

Baez gaujsi neix gungh miz 372 vunz camgya, ndawde, 70 vunz gauj cogaep, 231 vunz gauj cunggaep, 71 vunz gauj gaugaep. Ndawde 7 boux dwg gaujseng ndawbiengz, miz vunz ndaw gih raeuz hix miz vunz rog gih.Linghvaih 365 boux gaujseng cienzbouh dwg lauxsae, gyoengqde dwg yozyenz ndaw song aen beizyinbanh, aen ndeu dwg daengx gih Cuengh Gun song vah saw gyauyuz saedniemh cungh siuj yozyau lauxsae“beizyin+yozliz”saujsu minzcuz yijvwnz conhyez hanzsou bwnjgohbanh, aen ndeu dwg 2015 nienz lauxsae Cuengh Gun song vah saw Vahcuengh Sawcuengh beizyin- banh; song aen ban neix cungj youz Swcigih Gyauyuzdingh cawjbanh、 Gvangjsih Minzcuz Dayoz ciepbanh. Baez neix miz saeh daegbied, couh- dwg 7 boux gaujseng ndawbiengz de miz 4 boux dwg vunz rog gih raeuz; gyoengqde daj Yinznanz Swngj daeuj, faenbied dwg boux gunghcoz yinzyenz ndaw Yinznanz Swngj Vwnzsanh Bouxcuengh Myauzcuz Swcicouh Funingz Yen Denyingj Swyez Gvanjlij Cungsim nem Denyingj Vah Minzcuz Fanhoiz Ingjguh Cungsim.

(Moz Binh/莫滨)