7 nyied 21 hauh, Sanhgyangh Dungcuz Swciyen Yangzhih Yangh Liengzbeiz Cunh Mbanjbeizgiz angq hoh “ciet godah”moix bi gvaq baez ndeu neix. Daengx yienh geij cien boux canghfwen daenj buhmoq vaqmoq minzcuz comz youq giz haenx, eu fwen gyauyoux、 eu fwen cienzcingz， sing go haprwenz, minzsuz byaujyenj caemh lai cungj lai yiengh, yinx daeuj haujlai hekyouz.

Dungcuz godah, dwg cungj godiuh “go’iq” Dungcuz mbouj yungh bancou ndawde cungj he, dwg cungj godiuh lwgmbauq lwgsau Dungcuz guhhong sat le ra baengzyoux, bouxlaux gyauq lwg son vunz ciengq he, cungj fwen neix dijhi caezcingj, neiyungz fungfouq.

(Vuz Lenyinh/吴练勋)