●Vihliux hawj doenghboux siuj- cujcangj mbanj saujsu minzcuz daez- sang gij yisiz nem naengzlig fuzvu vunzlai, caenh’itbouh cukmaenh giek- daej gihcwngz, geij ngoenz gonq, Lungzswng Gak Cuz Swciyen comz daengx yienh 1753 boux siujcujcangj mbanj saujsu minzcuz, hidungj dwk beizyin mizgven yezvu.

(Vangz Yungjfeih)

●Geij ngoenz gonq, Cungguek lauxhangz mbawcaz guh gohgi roengz mbanj hozdung, gyoengqde daengz Sanhgyangh Dungcuz Swciyen Baz- gyangh Cin Buyangh Cunh ndaw suencaz Byasien, caeuq bouxndaemcaz doxgyau, roengz cienz rengz doidoengh dieg Dungcuz canjyez mbawcaz ndaej lai saedyienh gohgiva、gihgaiva nem yendaiva. Aen yienh neix seizneix miz suencaz 15.3 fanh moux; bineix 1 daengz 6 nyied aen yienh neix cazsauj canjlieng 6800 lai dun, canjciz 6.8 ik maenz.

(Bangz Gwzbingz Vuz Lenyinh)

●Bi’gvaq 6 nyied, Dava Yauzcuz Swciyen hainduj youq Luzyej Yangh guh fuzbinz haifat“daengx yangh doihaeuj”, dajsuenq comz 2.07 ik maenz, daengx yangh doihaeuj canjyez haifat、senj dieg fuzbinz、gihcuj sezsih gensez、gaijguh yienghsiengq lajmbanj、minzswngh baujcang gensez daengj hanghmoeg, gyalai ok banhfap hawj vunzlai baenzfouq. Daengz bineix 5 nyied daej, gaenq guh sat roengzcienz 8100 fanh maenz.

(Veiz Bungzyen Veiz Cez)

●Daengz 5 nyied duenh gyang, Fuconh Yauzcuz Swciyen gaenq anbaiz ndei cunh(mbanj) 308 aen, cingq ndaem faexrum nem ndaem sat gungh 295 aen, doenghboux gihgvanh ganbu cizgungh camgya“cunh(mbanj)”cien- hangh hozdung de gungh 856 vunz- baez.

(Cinz Yengiz Liu Cwngzlieng)

●Daengz 6 nyied daej, Bingzgoj Yen fat cienzngaenz youq haggeiz seizcou bangbouj saedceij hawj hagseng Yauzcuz, gvendaengz 29 aen cungh siuj yozyau 1849 vunz, moix boux moix haggeiz 500 maenz, baez neix gungh fat cienzngaenz bangbouj 92.45 fanh maenz.

(Vuz Anhginh)