Byaekginzcai yingzyangj lai, hamz danbwzciz、dansuij vahozvuz、gvangvuzciz caeuq lai cungj veiz- swnghsu daengj yingzyangj doxgaiq hix lai, dwg cungj byaek baujgen gig ndei he. Byaekginzcai bonjndang gag miz gij goengnaengz gyangq hezyaz, lwgcid caeuq byaekginzcai doxlumj, caemh ndaej gyangq hezyaz. Song yiengh byaek neix doxgap cauj gwn, gyangq yaz yaugoj demgya baenz boix.

Caizliuh: Aeu 150 gwz byaek- ginzcai, 50 gwz lwgcid, coeng、gyu、gihcingh、youzdoenghgo gak di he.

Guhfap:

1、Swiq byaekginzcai seuq, dwk roengz raemxgoenj bae log cug, vez hwnj ndik raemx hawq ronq baenz donh; dat naeng lwgcid swiq seuq ronq baenz gaiq;

2、Hai feiz coemh rek ndat, dwk youzdoenghgo coemh caet cingz ndat le dwk coeng roengz cauj, caiq dwk byaekginzcai caeuq lwgcid itheij fan cauj 3 daengz 5 faen cung;

3、Dwk gyu caeuq gihcingh diuzfeih couh ndaej daek hwnj gwn.