●6 nyied 29 hauh banhaemh, Dunghlanz Yen youq ndaw yienh vwnzva cungsim gvangjcangz gawj- banh vanjvei, angqcoux dangj raeuz laebbaenz 94 hopbi. Youq yienjok seizde, aen cezmuz siujbinj Vah- cuengh《Bouxlwg Dahhoengz》hawj vanjvei yienhciengz bienq ndaej ceiq hoengh, singriu、sing bekfwngz、sing hemqndei daengj mbouj dingz mbouj duenh.

(Veiz Swngyang Veiz Damingz)

●“Caet it”yaek daengz duenh de, Gunghcwngz Yauzcuz Swciyen Minzcuzgiz bang lingjdauj nem cihveij cwngzyenz bae Sihlingj Yangh Dwzliengz Yangh, yawj doenghboux daibyauj dangjyenz geq、dangjyenz gungzhoj 6 boux, soengq haeux、youz daengj doenghyiengh hawj gyoengqde, hawj gyoengqde gamjdaengz dangj nem cwngfuj gvensim nem hohfuk.

(Gyangh Dauh)

●6 nyied 28 hauh, Libuj Yen Sanhgoh Hezvei youq yienhsingz Cunghsanh Gunghyenz gawjbanh fwenvuengz doxdax. Ginggvaq 3 aen cung haenqrengz doxdax, doeksat bingz ok fwenvuengz 9 boux, linghvaih miz 12 boux canghfwen ndaej bingzguh Libuj Yen canghfwen maenhndei.

(Yangz Sinhcenz Siengj Yi)

●Laebdaeb geij ngoenz daeuj, youz Gvangjsih Bouxcuengh Swcigih Cuzmuz Suijcanj Souyihgiz guhdaeuz cujciz, Gvangjsih Hungzgvangh Nungzmuz、Fufung Nungzmuz daengj lai aen giyez simgyaez soengq 20 fanh duz bitgaeq lwg gungh dij 50 lai fanh maenz de hawj Sanhgyangh Dungcuz Swciyen, caemhcaiq gibseiz fat daengz ndaw yienh Liengzgouj、Duzdung、Bazgyangh daengj yangh- cin doenghboux vunzmbanj gungz- hoj. Neix dwg doenggvaq doiqcinj fuzbinz bangcoengh vunz Dungcuz baenzfouq.

(Gungh Bujgangh)

●Daj 4 nyied ndawnyieb daeuj, Denzyangz Yen Yifung Cin Luzvei、Bahmiu、Sangcin、Cangz- gauh、Nwngzdai daengj cunh doenghgij ranz ndaem mak faenfaen dawz makdauzyouz bae haw gai, ndaej gyalai souhaeuj. Ndawde Nazgungh、Bohdungh daengj mbanj doenghgij ranz ndaem makdauzyouz lai de bineix gai makdauz souhaeuj mauhgvaq 10000 maenz.

(Vangz Gozsun)