Nohmaknganx feih diemz, gwn de baenz bouj、ik sim ik dungx、ciengx lwed an saenz, dwg cungj huq nyinhbouj bingzhuz ndei ndeu. Boux heiq lwed mbouj ndei moix baez aeu 3 daengz 5 aen maknganx, mbek byuk bae le cigciep dwk nohmaknganx roengz boibaujraeuj bae cimq raemxgoenj dang caz gwn. Boi daih- it ceiq ndei cimq raemxgoenj 20 faen cung cij gwn, cimq 3 baez le, noh caeuq ngveih gag bok ok, ndaej cigciep gwn noh de.

Aeu daezsingj dwg, boux baenz dwgliengz、fatndat、baenzae miz myaiz lai mbouj hab gwn nohmaknganx caeuq caznohmaknganx, mehmbwk daiqndang engq mbouj ndaej gwn, aenvih mehdaiq- ndang ciengz dwg yaem haw bien haw lai, yungzheih baenz ndaw ndat, ok haex ndongj、nyouh henj、bak sauj, gwn nohmaknganx mboujdanh mbouj baenz bouj, dauqfanj hawj vunz baenz ndaw ndat dem, rox yinxhwnj baenz conghced ok lwed、dungx in、dungx ciengq daengj lonlwg yienghsiengq.