Gaenh bi daeuj, Denzyangz Yen baengh“vwnzva Baeuqroxdoh、vwnzva fouxsaeceij、vwnzva Vajsi、vwnzva hawfwen、vwnzva gwzming”haj cungj daegsaek vwnzva neix, roengz cienz rengz dajcaux binjbaiz vwnzva Bouxcuengh.

Hwnjheiq vatgud vwnzva Baeuqroxdoh, hawj binjbaiz vwnzva Baeuqroxdoh okmingz. It dwg cauxguh cozbinj ndei gvendaengz Baeuqroxdoh. Ngeih dwg banh ndei ciet lijyouz vwnzva Baeuqroxdoh. Sam dwg hwnjheiq dajcaux gij lijyouz miz daegsaek Bouxcuengh. Seiq dwg doidoengh gij yozsuz doxgyau gvendaengz vwnzva Baeuq- roxdoh.

Swnjcienz nem hwngfat vwnzva fouxsaeceij Bouxcuengh, dajcaux“mbanjranz vwnzva fouxsaeceij”. It dwg lai roengz cienzngaenz bang- coengh. Ngeih dwg guh hozdung doi dinfwngz fouxsaeceij Bouxcuengh haeuj hagdangz、 lajmbanj. Sam dwg laeb gihdi swnjcienz henhoh dinfwngz fouxsaeceij Bouxcuengh.

Daihlig fatyiengz minzcuz cing- saenz, dajcaux binjbaiz vwnzva Vajsi. It dwg cauxguh nem yienjok cozbinj vwnzva Vajsi. Ngeih dwg ingjguh bouh densi《Vajsi Fuhyinz》. Sam dwg dajsuenq hwnjguh aen lingzyenz Vajsi Fuhyinz.

Daihlig fatyiengz vwnzva haw- fwen, raihcienz“sing ndei”Boux- cuengh. Aen yienh neix soucomz cingjleix doenghgij fwen Baeuq- roxdoh ndawbiengz ndaej 20 lai cungj, soucomz doenghgij yozgi ndawbiengz Bouxcuengh miz 32 cungj 67 gienh. Doengzseiz laebguh aen doih nyenz ndawbiengz Baeuqroxdoh、aen doih biujyienj canghsae, swnjcienz nem daihlig fatyiengz vwnzva Bouxcuengh.

(Bwzswz Siveij Senhconzbu/百色市委宣传部)