●6 nyied 13 hauh, youq Gvangjsih Minzcuz Bozvuz- gvanj, aen cujhoz heuhguh Beixnuengx Yah Cujhoz (ndaej ndawbiengz heuh baenz Gvangjsih minzgoh cienzbo dasij) yienj le ciengz yenj- cangvei ciengq go Boux- cuengh bonjmiz, neix hawj bouxyawj yawj ndaej gvaqyinx, dingq ndaej sim’angq dangq- maz bae.

(Lij li)

●6 nyied 10 hauh, Denz- yangz Yen Yinzgouj Giswnghgiz daegdaengq comz 2.3 fanh maenz, cawx le buek dinfaex makgaivaiz ndei ndeu, soengq daengz Yifung Cin Nazgyangh Cunh giz lienzhaeh bangzfuz, mienxfeiq hawj mbangj ranz soujsaenq giswngh gyahdingz, hawj gyoengqde gyalai daj- ndaem faexmak, gyalai souhaeuj.

(Vangz Gozsun)

●6 nyied 10 hauh, Yungzsuij Myauzcuz Swciyen Hozmuz Cin gawjbanh daih- cibsam gaiq cietbauqva, ciengj bauqva、diuq fouxyanghgoh、fouxlungz、 saeceij diuq dongh、caijdiu daengj cezmuz ndeiyawj raixcaix, yinx le haujlai hekyouz daeuj ngonz- yawj.

(Liu Swjyenh)

●Geij ngoenz gonq, Majsanh Yen Lijdangh Yauzcuz Yangh Yajlenz Cunh Mbanj- lungzlauj diuz roen doeng mbanj duenh deihgoengq 20 mij raez de doeng ndei lo, neix hawj vunz dangdieg haeujok lai fuengbienh raeuh. Dan yungh sam ndwen seizgan couh guh baenz lo, duenh deihgoengq neix raez 20 mij、gvangq 3.5 mij、sang 4.75 mij, ndaej swnj hawj roen mbanj doeng caez, neix vunzlai haenhndei.

(Yangz Swng)

●Bineix geiqdoh daih’it, Duh’anh Yauzcuz Swciyen swnghdai daegsaek lijyouz sou- haeuj 2.29 ik maenz, doengzbeij gyalai 25.7%, hekyouz 23.58 fanh vunzbaez, doengzbeij gyalai 17%, lijyouz vaivei (ngaenz rogguek) souhaeuj 60.4 fanh Meijyenz, doengzbeij gyalai 20.99%, daengx yienh lijyouzyez geiqdoh daih’it couh hoengh lo.

(Lanz Fuzgvanh)