Gaenh bi daeuj, Duh’anh Yauzcuz Swciyen haenqrengz guh minzcuz yingjsi saehnieb gensez gunghcwngz. It fuengmienh guh ndei hong fanhoiz nem ingjguh denyingj Vahcuengh. Daj 2008 nienz hainduj, aen yienh neix couh ciuq suswva daeuj guh hong fanhoiz nem ingjguh denyingj Vahcuengh, 8 bi gyoep- suenq fanhoiz nem ingjguh 45 bouh denyingj Vahcuengh, ndawde denyingj gojgaeq 19 bouh、denyingj gohyoz gyauyuz 26 bouh, youq ndaw yienh cuengq denyingj 1263 ciengz- baez, doenggvaq daj rog yienh cawx banjgenz daeuj cuengqyingj 680 ciengzbaez. Aen yienh neix doeng- gvaq youq lajmbnaj cuengq denyingj gohyoz gyauyuz aeu Vahcuengh boiqyaem, hawj vunzlai cigsoh rox neiyungz ndaw denyingj, neix doidoengh sevei onjdingh、dazyinx lajmbanj hwngfat ginghci mizyungh gig lai. Lingh fuengmienh guh ndei hong haibo sinhvwnz Vahcuengh. Bi’gvaq 7 nyied 1 hauh, Duh’anh Youjsen Densidaiz laeb aen lanzmuz《Sinhvwnz Vahcuengh Duh’anh》. Aen lanzmuz neix aeu Vahcuengh dangdieg book, senhconz gak hangh fouqminz cwngcwz dangj raeuz, baudauj gij sinhvwnz daeuz aen singgeiz doxdauq youq ndaw yienh fatseng de, gangj fungsug nem saehcingz gak minzcuz, hawj vunz dangdieg hab’eiq.

(Lanz Fuzgvanh/蓝福宽 Dangz Sezliuj/唐雪柳 Veiz Cinhlingz/韦春玲)