●5 nyied 29 hauh, Swcigih Sinhvwnz Cuzbanj Gvangjden Giz Senhconz Guenjleix Cu daengz Lungzlinz Gak Cuz Swciyen Dwz- ngoz Cin Denzba Cunh, soengq doenghyiengh nem huqleix gungh dij fanh maenz hawj ndaw cunh aen ranzlwgnyez nem gyoengq nyez Myauzcuz louzmbanj, hawj gyoengq nyez Myauzcuz louzmbanj ndaej angq gvaq ciet.

(Loz Mingzgauj)

●Yaek daengz gauhgauj lo, Duh’anh Yauzcuz Swciyen daj caizcwng ndaw yienh bued ok 33.92 fanh maenz dangguh cienz- ngaenz bangbouj gaujswngh gya yingzyangj. Ndawde, bued hawj Duh’anh Gauhcungh 13.12 fanh maenz、 Duh’anh Yauzcuz Cungh- yoz 8.232 fanh maenz、 Duh’anh Daihngeih Gauhcungh 9.936 fanh maenz、 Duh’anh Cizyez Gyauyuz Cungsim 2. 632 fanh maenz.

(Lanz Fuzgvanh)

●5 nyied 27 hauh ban- haemh, Denzyangz Yen Youwzyenz youq Denzyangz Yen Baeuqroxdoh Vwnzva Cungsim dalijdangz gawj- hengz hoh“roek it”vwnzyi yienjok, gyoengq nyez ndaw youwzyenz neix yienj le 20 lai aen cezmuz maenhndei hawj bouxyawj ngonz ndaej gvaqyinx.

(Vangz Gozsun)

●5 nyied 28 hauh banhaet, Vuzcouh Si Minzcunghveij lienz- hab Vansiu Gih Nanzcungh Segih“ranz minzcuz”daengz Vujfangj Siujyoz yawj hagseng saujsu minzcuz ranz gungzhoj, fat le daehsaw、habbit、yienzbit daengj doenghyiengh vwnzgi dij 2500 lai maenz de hawj ndaw hagdangz neix 15 boux hagseng saujsu minzcuz ranz gungzhoj.

(Liuz Gozvwnj)

●Gaenh bi daeuj, Denh- dwngj Yen doenggvaq gak cungj banfap comz ndaej 2.24 ik maenz guh roen lajmbanj. Ndawde, caeuq baihgwnz ceng ndaej cienzngaenz 5445 fanh maenz, guh 651 diuz roen mbanj gaep, gungh raez 1953 goengleix; caeuq guekgya ceng ndaej cienzngaenz 1500 fanh maenz, youq lajmbanj bu suijniz coq roen ndaw mbanj 36 diuz gungh 45.75 goengleix.

(Vangz Lilanz)