Bonjbauq siusik(gicej Dangz Lungz/唐龙) 4 nyied 1 hauh daengz 30 hauh, Vujsenh Yen doenggvaq sam aen cosih, youq daengx yienh guh ndwen senhconz minzcuz doxgiet cinbu hozdung, haeujlaeg senhconz minzcuz cwngcwz dangj nem guekgya、faplwd fazgveih, haenqrengz senhconz ginghci sevei fazcanj gvendaengz saujsu minzcuz nem dieg saujsu minzcuz comz- youq ndaw yienh, caenh’itbouh gyamaenh gij gvenhaeh caeuq vunz saujsu minzcuz doxlienz.

It dwg comz youq rog ranz guh senhconz. Youq guh hozdung geizgan, aen yienh neix gak yangh (cin)、bumwnz youq gunghyenz、gvangjcangz、gwnzhaw、hagdangz daengj dieg gunghgung, doenggvaq hai hoihyienhciengz、baijok dozveh、dangciengz fat caizliu、venj fukvang daengj hingzsik senhconz minzcuz doxgiet. Ngeih dwg lai fuengmienh doenggvaq meizdij senhconz. Youq guh hozdung geizgan, aen yienh neix doenggvaq engq lai yiengh meizdij nem fuengsik, dazyinx vunzlai ndawbiengz gvensim, gya hawj vunzlai camgya. Sam dwg cungfaen leihyungh cietgingq“sam nyied sam Bouxcuengh”comzrengz senhconz. 4 nyied 15 daengz 25 hauh, Vujsenh Yen youq ndaw yienh guh hozdung angq gvaq“sam nyied sam Bouxcuengh”. Youq guh hozdung geizgan, aen yienh neix gawjbanh vwnzyi yienjok、minzsuz ndawbiengz nem saujsu minzcuz conzdungj dijyuz daengj cawjdaez hozdung, hungzyangz vwnzva minzcuz, biensij nem fatbouh buek donjsin ndeu hawj vunzlai, cauxguh、venjhwnj buek fukvang ndeu, book buek senhconz byauhyij ndeu, cauxguh、baijok buek banjbau cienmonz ndeu, yaenqfat buek sawsoujcwz senhconz minzcuz cwngcwz cihsiz ndeu, ciuhai baez codanzvei ndeu, cujciz baez veivwn hozdung ndeu, senhconz gij cingzcik ginghci sevei fazcanj gvendaengz saujsu minzcuz nem dieg saujsu minzcuz comzyouq, guh hozdung camdap minzcuz cwngcwz faplwd fazgveih, book minzcuz cwngcwz cihsiz.