●5 nyied 9 hauh, Sanhgyangh Dungcuz Swciyen Dungzloz Cunh Mbanjbingzhih gawjbanh ciet gingq daxmeh daejniemh hozdung, doeng- gvaq daejniemh dajsiuq hozdung, hawj lwgnyez roxyiuj guhhong dwg- rengz, rox docih daxmeh, swnjcienz vwnzva minzcuz.

(Gunj Yicungh)

●4 nyied 28 hauh, Liujgyangh Yen Sawcuengh Yozyau Fusuz Siujyoz gawjbanh ciet gijgwn heuhguh“gijgwn Bouxcuengh cungj buenx gou”. Youq yienhciengz, hagseng bienqbaenz“lauxbanj”, caeuq lauxsae doengzcaez guh gijgwn Bouxcuengh, hemq gai haeuxnaengj haj saek、ceizbyaek- ngaih、gijgwn soemj、saejlwed- haeuxcid daengj gyawj 20 yiengh gijgwn ndei Bouxcuengh.

(ciuq Cunghsinhvangj)

●Bineix, Gunghcwngz Yauz- cuz Swciyen Gyahvei Yangh nungz- minz dauqranz cauxhong sifan dajndaem gihdi aeu“gunghswh+hozcozse+gihdi+nungzhoh”cungj fuengsik neix, doengjit dajndaem gvadiemz, moux canjciz 7000 maenz baedauq, hawj 100 boux nungz- minzgungh dauqranz miz hong guh, hawj gyoengqde ndaej youq gyawj ranz guhhong, gyalai souhaeuj.

(Liengz Veih Se Yungjhwngz)

●4 nyied 30 hauh, Liujcouh Si Minzveij ciuhai aen cujdiz yenz- daujvei aeu“hungzyangz minzcuz cingsaenz, swnjcienz minzcuz vwnzva”guh cawjdaez, cingj doenghboux lauxhangz yenzgiu vwnzva minzcuz、boux mizmingz saujsu minzcuz、daengx si minzveij hidungj、yinzda nem cwnghez veijyenz nem doenghboux daibyauj bouhfaenh giyez、yozyau daengj gungh 40 lai vunz camgya.

(Yenz Cinzyinh)

●Gaenh bi daeuj, Lozcwngz Mulaujcuz Swciyen haenqrengz bangcoengh nungzminz ndaem gosangh ciengx nonsei. Dangqnaj, daengx yienh ndaem gosangh 5.9 fanh moux, 4 nyied ndawcib hainduj ndaej gai, moix goenggaen 38 maenz. Bi’gvaq aen yienh neix nungzminz ciengx nonsei souhaeuj 3.2 ik maenz.

(Mungz Cwnghswh)