Geij ngoenz gonq, Sanglinz Yen Dangzhungz Yangh youq ndaw yangh Sizmwnz Siujyoz gawjbanh 2015 nienz siujhagseng doxdax aeu Vah- cuengh byauhcunj gangj gojgaeq hozdung.

Ciuq cam rox, baez doxdax neix daengx yangh gungh miz 7 aen yozyau 23 boux siujhagseng camgya. Youq doxdax seizde, Dangzhungz Cungsim Yozyau boux hagseng Moz Yinzyez aeu Vahcuengh byauhcunj, doenggvaq dungcoz lingzvued, miz sing miz yiengh dwk gangj gojgaeq《Duzmoulwg Bizbiz》, ndaej boux- yawj bekfwngz haenhndei, hix ndaej bingzveij hawj faen sang, aeundaej itdaengjciengj. Ciuq cam rox, baez doxdax neix gungh bingzok itdaengj- ciengj 7 boux, ngeihdaengjciengj 7 boux, samdaengjciengj 9 boux.

Doenggvaq doxdax gangj goj- gaeq, mboujdanh hawj siujhagseng miz gizdieg baijok swhgeij, hawj gyoengqde gya maij Vahcuengh, lij hawj gij saedceij ndaw Cuengh Gun song saw vah yozyau engqgya fungfouq, hawj song saw vah gyauyuz lai miz fwnfeiz, coi Cuengh Gun song saw vah gyauyuz ndaej fazcanj gya’ndei.

(Lij Dauyungj/李道永 Fanz Yamingz/ 樊亚明)