1、Boux ndang liengzgyoet. Lumj boux seiq guengq liengzgyoet、boux baenz aek ciengq、boux baenzsiq haex saw haenx, gwn dang duhheu rox hawj bingh engq haeuj naek, caemhcaiq rox yinxfat baenz cungj bingh wnq dem.

2、Bouxlaux、lwgnyez caeuq boux ndang hawnyieg. Aenvih ndaw duhheu hamz danbwzciz beij nohgaeq lai, dingzlai danbwzciz aeu youq meiz cozyung lajde cienjvaq baenz dai、anhgihsonh cij ndaej deng ndang vunz supsou. Cungj vunz neix dungxsaej siuvaq goengnaengz haemq ca, gig nanz youq duenh seizgan he ndawde siuvaq danbwz duhheu bae, yungzheih yinxhwnj aenvih dungx- raeng yinxfat baenz dungxsiq.

3、Boux cingq gwn yw. Duhheu gaij doeg dwg baengh danbwz duhheu cwngzfwn daeuj caeuq youjgihlinz、cungginhsuz giethab baenz huq- yaemz. Caiq gangj, gij gaij doeg cwngzfwn neix hix rox faengaij ywyauq, yingjyangj ywbingh yaugoj.

Conhgyah daezsingj naeuz: Vih mienx gwn dang duhheu hawj ndang vunz daiq liengzgyoet gvaqbouh, mbouj itdingh dan gwn dang duhheu, ndaej senj lingh cungj fuengfap daeuj gwn, hix couh dwg dawz duhheu caeuq haeuxsan itheij aeuq cuk gwn. Guhfap dwg: Swiq haeux caeuq duhheu seuq, itheij dwk roengz gu gya raemx aeuq cuk gwn. Danghnaeuz aeu dandog aeuq duhheu dwk dangz gwn, itdingh aeu aeuq naemz cij ndaej gwn. Aenvih duhheu ngamq cawj goenj couh gwn rox hawj ndang vunz engq liengzgyoet.