●Youq bineix 4 nyied guh ndwen senhconz minzcuz doxgiet, Denhngoz Yen Minz- cunghgiz、Minzyijgiz youq ndaw yienh 9 aen yangh(cin) 、gij gai daeuz ndaw yienhsingz、minz- cuz mouyi giyez、giz lienzhaeh sinhnungzcunh daengj dieg venj gij fukvang caemh sij Sawcuengh Sawgun de 43 diuz、senhconz banjbau 30 banj、yaenqfat minzcuz doxgiet senhconz swhliu 1.2 fanh faenh.

(Liuz Yaujginh Linz Gyauhyez)

●Bineix geiqdoh daih’it, Lozcwngz Mulaujcuz Swciyen ciepdaih hekyouz 16.9 fanh vunzbaez, lijyouz cungjsouhaeuj mauhgvaq 1.5 ik maenz, song hangh soqgawq neix faenbied gyalai 11.42%、11.21%.

(Liu Gvanghfuz)

●4 nyied 23 hauh banhaet, Dwzbauj Yen youq Cwngzgvanh Cin Sihduz Cunh Mbanjdasoz gawjhengz yizsi gwet baiz“Cungguek mbanj daegsaek saujsu minzcuz”. Baez venj baiz neix doiq guh hong henhoh nem fazcanj mbanj daedsaek saujsu minzcuz miz- yungh gig ndei.

(Nungz Yungjfang)

●Vih guh hung guh giengz minzcuz vwnzva lijyouz, geij ngoenz gonq, Cunghsanh Yen cengndaej gij cienzngaenz hanghmoeg youz Swcigih 2015 nienz buedhawj ndaw yienh coih nem henhoh gij mbanj conzdungj baugvat Lungzdau、Sunghgvei、Yiboh、Yinghgyah daengj, neix mizyauq dwk doidoengh vwnzva lijyouz baenz aen hangznieb hawj ginghci gyalai ceiq haenq.

(Cinz Yaujgez)

●Daj 2009 nienz daeuj, Yungzsuij Myauzcuz Swciyen gaenq ciepnyez 643 moux dinfaex faexsamoeg ndei, gungh 27000 go, gungh roengz 120 lai fanh maenz. Ndawde, bineix ciepnyez 105 moux 4000 lai go.

(Liu Swjyenh)