“一点儿信用都不给，成心让人崩溃。”孙畅嘟哝着，不停地在走廊上踱步。窗玻璃后面贴满了学生们压扁的脸蛋。麦可可问：“你知不知道他窝藏的地点？”孙畅说：“连你都不知道，我怎么会知道？他又不是我的恋人。”

“骗我？”

“骗你是狗。”

学生们都笑了。只有孙畅的脸黑得像黑板，既严肃又认真，不是行骗的表情。“又是一只气球。早知会破，何必吹得那么大。”绝望的麦可可突然爬上栏竿，把头往下栽。孙畅伸手一捞，动作飞快也只扯下半截衣袖。学生们惊叫着跑出教室，趴在栏竿上俯视。麦可可已经不会动了，甚至有可能已经没有呼吸，好像是砸在草地上的一个蜡像。孙畅从楼道里冲出来，保护现场，拨了医院的急救电话。十五分钟之后，救护车就“呜啦呜啦”地驶进校园。一副担架把麦可可抬进了车子。孙畅跟着钻了进去。

5

因为是右肩先着地，麦可可还有呼吸，但右膀子的骨头或折或碎，医生们用了十多个小时才将其复位，并把右膀子打上石膏。麦可可躺在床上“四不”：不吃不喝不说话，再加上不停地流泪。由于泪水绵绵，枕巾换了一块又一块。孙畅说：“再这么哭下去，眼泪就要在床上发芽了。”

小玲手里的勺子装满鸡汤，一朝麦可可的嘴巴靠近，麦可可的牙齿立刻咬紧。小玲以为流质食物会像暴涨的河水，总有办法渗透防洪大堤，却没想到麦可可的牙齿不是豆腐渣工程，而是滴水不漏。鸡汤沿着嘴角流下，在脖子处与泪水交汇。小玲用纸巾擦着麦可可的脖子，说：“傻丫头，就算是真傻，你也不应该为一个骗子去傻。他都背信弃义了，你还赔上一条命，值得吗？你又不是他养大的，干吗要把命给他？只有把命送给珍惜你的人，命才值钱。不珍惜你的人，即使你死了，那也像死一只蚂蚁，他连眼皮都不会跳一下。”

“可是……他答应过娶我。”麦可可轻轻地说，嘴唇微微颤抖。

孙畅接过话头：“答应不等于事实。小时候，妈妈答应和我永不分离，可是去年，她还是死了。你说，我是不是也应该跳楼？”

“你不跳是因为你不在乎，你不爱她。”

孙畅被呛住，但马上反驳：“你越是爱他，就越不能死。”

“为什么？”

“因为你死了，他会伤心。”

“他要是懂得伤心，就不会人间蒸发。”

“所以……他不爱你。”

麦可可哭了。这是她跳楼之后第一次痛哭。

小玲劝她别哭坏身子。孙畅用食指按住小玲的嘴巴。小玲收声，不停地往麦可可手里递纸巾，支持她哭个痛快。看着满地的纸巾，小玲鼻子酸，泪水不自禁地涌出。于是，她的两只手都忙了起来，一只给麦可可递纸巾，一只给自己抹泪。不知道是出于同情，或是勾起了某段伤心往事，她哭得比麦可可还伤心，好像全世界最可怜的人是她。两个女人相互感染，哭声此起彼伏。孙畅说：“够啦，再哭就把我也拖下水了。”

麦可可抽泣，说：“我不愿意怀念一个活人，还不如狗死跳蚤死。”

孙畅说：“你已经死过一次，知道为什么没死成吗？”

“楼……太矮了……”

“不是。是老天不让你死。”

“要是真有老天，它就应该把郑石油给我找回来。”

小玲插话：“只要你不想死，我们一定帮你找到石油。”

麦可可停止抽泣，像看见救命稻草那样看着小玲和孙畅。她说：“你们真的能帮我找到他吗？”

孙畅说：“他又不是空气，哪能说蒸发就蒸发了。”

麦可可说：“如果能找到他，我就不死。”

孙畅说：“相信我们，活着没错。”

麦可可抹了一把眼泪，说：“谢谢！”她终于懂得说“谢谢”了。

6

孙畅找到建政路23号6栋503室。他按门铃，门铃不响。他拍门，门不打开。邻居说这屋已经半月没人居住。他向物业打听房子的主人。物业说这房主不姓郑，是别人租给他住的。他不信，物业就把租金收据拿出来。白纸黑字，他想不信都难。

还有一条线索，就是那天陪郑石油上门的蒋警察。孙畅在110值班室找到他。他说那天的主题是救人，不是调查姓郑的。孙畅说：“偏方已经失效，现在只有郑石油才是麦可可的速效救心丸。”蒋警察在内部网搜索，发现郑石油的身份证号是假的，也就是说他们认识的郑石油是个山寨版。蒋警察说：“要找到这个人，恐怕比提拔你当校长还难。” (五)

“Gangjvah mbouj suenqsoq, cungj mbouj hawj vunz ndeindei gvaq ne.” Sunh Cang damz dwk, youq ndaw lajroq byaij bae byaij dauq. Gyoengq hagseng cungj caemx gvaq henz conghcueng daeuj yawj yiednauh. Mwz Gojgoj cam:“Mwngz rox de ndoj youq gyawz lwi?”Sunh Cang naeuz:“Lienz mwngz cungj mbouj rox, gou baelawz rox? De youh mbouj dwg bouxyoux gou.”

“Yaeuh gou?”

“Yaeuh mwngz dwg duzma.”

Gyoengq hagseng cungj riuhaha. Caenhmiz fajnaj Sunh Cang ndaemndatndat, yiemzsuk youh nyinhcaen, yawj hwnjbae mbouj lumj dwg yaeuh vunz.“Caeux couh rox aen heiqgiuz yaek dek, guhmaz lij boq baenzlai rumz?”Mwz Gojgoj saetmuengh raixcaix, sawqmwh de benz hwnj lanzganh, gyaeuj coh baihlaj diuq roengzbae, Sunh Cang baez yax ngamq gaem dawz genbuh. Goengq hagseng cungj buet ok gyausiz, ndwn youq henz lanzganh yawj baihlaj. Mwz Gojgoj bamz youq gwnz diegnywj gaenq mbouj doengh lo, lumjbaenz cungj mbouj diemheiq liux. Sunh Cang daj gwnz lae cung roengzdaeuj, henhoh yienhciengz, caemhcaiq bued gaepgouq dienhvah yihyen. Cib haj faencung le, cigouqhoh couh hai daengz suenhag. Ram Mwz Gojgoj hwnj ci le, Sunh Cang gaenriengz ndonj hwnjbae.

5

Aenvih mbaqgvaz bungz dieg gonq, Mwz Gojgoj lij diemheiq, gujsuenq ndok mbaqgvaz gaenq gyad roxnaeuz soiq lo, canghyw yungh baenz cib geij diemjcung cij sawj gijde hoizfuk gvaqdaeuj, caemhcaiq youq mbaqgvaz bau siggau. Mwz Gojgoj youq gwnz mbonq “seiq mbouj”: Mbouj gwn mbouj ndoet mbouj gangjvah, gyahwnj mbouj dingz lae raemxda. Aenvih raemxda mbouj dingz mbouj duenh, sujbaq vuenh mbaw youh mbaw. Sunh Cang naeuz:“Caiq baenzneix daej roengzbae, raemxda couh youq gwnz mbonq did ngaz lo.”

Aensieg ndaw fwngz Siujlingz daek rim raemxdang gaeq, baez yaengx daengz henz bak Mwz Gojgoj, Mwz Gojgoj sikhaek gaet heuj haep bak, mbouj hawj ndik raemxdang he laeuh haeuj ndaw bak bae. Raemxdang caeuq raemxda doxgyaux lae daengz gwnz hoz, Siujlingz yungh gaenceij bang Mwz Gojgoj uet hoz, naeuz:“Dahhuk, couh suenq caen huk lo, mwngz hix mbouj wnggai vih bouxyaeuh bae huk. De cungj mbouj leixlangh mwngz lo, mwngz youhcaiq boiz de diuzmingh dem, mbouj dij law. Mwngz youh mbouj dwg de ciengx hung, guhmaz aeu diuzmingh hawj de? Aeu diuzmingh hawj bouxvunz insik mwngz haenx, cij dij ne. De mbouj insik mwngz, mwngz dai bae hix lumj duzmoed he dai nei, de lienz naengda cungj mbouj diuq saek yaep.”

“Hoeng……De dapwngq aeu gou.”Mwz Gojgoj gangj cungj mbouj baenz sing.

Sunh Cang ciepdwk naeuz:“Dapwngq couh baenz bw? Seiziq, daxmeh dapwngq ciengxlwenx caeuq gou caemhyouq, hoeng bi’gvaq, de dai lo. Mwngz gangj gou dwg mbouj dwg hix bae diuq laeuz?”

“Mwngz mbouj diuq dwg mwngz mbouj ndiep de.”

Sunh Cang lumj ngaiz raemxsaw gaz hoz nei, buek de naeuz:“Mwngz yied gyaez de, couh yied mboujndaej dai.”

“Vihmaz?”

“Aenvih mwngz dai le, de couh siengsim.”

“Danghnaeuz de rox siengsim, couh mbouj ndoj gou lo.”

“Ndigah……De mbouj gyaez mwngz.”

Mwz Gojgoj daej lo. Neix dwg de diuq laeuz le daej baeznduj.

Siujlingz naeuz gaej daej lo, ndangdaej vaih bae mbouj ndei. Sunh Cang nyaenj aen naengbak Siujlingz mbouj hawj de gangj. Siujlingz mbouj oksing, mbouj dingz dwk ndenq gaenceij hawj Mwz Gojgoj, heuh de daej gaeuq bae. Yawjraen daengx dieg cungj dwg gaenceij, raemxda Siujlingz hix nyoengx okdaeuj lo. Baenzneix, song fwngz de cungj nyaengq liux, fwngz he ndenq gaenceij hawj Mwz Gojgoj, fwngz he swhgeij uet raemxda. Mbouj rox dwg sim’in Mwz Gojgoj, roxnaeuz dwg siengj daengz gij saeh siengsim doenghbaez, de beij Mwz Gojgoj lij daej ndaej ak, lumjbaenz daengx seiqgyaiq de ceiq hojlienz lo. Song mehmbwk boux raen boux daej. Sunh Cang naeuz:“Ndaej lo, sou caiq daej gou hix daej lo.”

Mwz Gojgoj daejsaekwk, naeuz“Gou mbouj cingznyienz nien bouxlix he, duzma caeuq duzmaet caemh dai ndei gvaq.”

Sunh Cang naeuz:“Mwngz gaenq dai baez he gvaq, mwngz rox vihmaz dai mbouj baenz lwi?”

“Laeuz……Laeuz daemq lai……”

“Mbouj dwg, dwg goengmbwn mbouj aeu mwngz.”

“Danghnaeuz miz goengmbwn, de couh wnggai ra Sizyouz dauq hawj gou.”

Siujlingz naeuz:“Danghnaeuz mwngz mbouj siengj dai, dou itdingh ra raen Sizyouz.”

Mwz Gojgoj mbouj daejsaekwk lo, lumj raen bouxgouqmingh nei yawj Siujlingz caeuq Sunh Cang. De naeuz:“Sou caen bang gou bae ra de?”

Sunh Cang naeuz:“De youh mbouj dwg fwi, mbin gvaq gyawz bae ndaej?”

Mwz Gojgoj naeuz:“Danghnaeuz ra raen de, gou couh mbouj dai.”

Sunh Cang naeuz:“Saenq dou, lix roengzbae.”

Mwz Gojgoj uet raemxda, naeuz:“Docih!”De dauqdaej rox gangj “docih” lo.

6

Sunh Cang ra daengz Gencwng Lu 23 hauh 6 doengh 503 fuengz. De nyaenj lingzdou, lingzdou mbouj yiengj. Ranznden naeuz aen fuengz neix baenz buenq ndwen mboujmiz vunz youq lo. Ranzcawj naeuz co aen fuengz neix mbouj dwg singq Cwng, dwg bouxwnq co hawj de youq. Sunh Cang mbouj saenq, ranzcawj hawj de yawj mbaw baengzgawq sou ngaenz le de cij saenq.

Lij miz diuzroen dem, boux gingjcaz singq Ciengj ngoenz haenx buenx Cwng Sizyouz daeuj ra de haenx. Gingjcaz naeuz ngoenz haenx dwg gouq vunz, mbouj dwg diucaz Cwng Sizyouz. Sunh Cang naeuz:“Seizneix ra raen Cwng Sizyouz cijndaej gouq diuzmingh Mwz Gojgoj.” Ciengj gingjcaz youq gwnz muengx cimh, fatyienh mbaw swnhfwncwng Cwng Sizyouz guh gyaj, couh dwg gangj dou rox bouxvunz haenx mbouj heuh Cwng Sizyouz. Ciengj gingjcaz naeuz:“Ra raen ndaek neix, beij hawj mwngz dang yaucangj lij nanz bw.”(5)