——Geiq Denhngoz Yen Luzbaiz Cin Yinzbangj Siujyoz Cuengh Gun Song Sawvah Sonhag

Itcig gvaqdaeuj, Denhngoz Yen Luzbaiz Cin Yinzbangj Siujyoz cungj dwg nyinhcaen ciuqei baihgwnz doengjit anbaiz, gaengawq aen iugouz《Gvangjsih Bouxcuengh Swcigih Yivu Gyauyuz Yozyau Cangzgveih Gvanjlij Gveihding》, aeu daezsang banhhag cizlieng guh haedsim, aeu daezsang lauxsae duivuj suciz guh gvanhgen, aeu aen cunghcij yinzminz muenxeiq bae banhhag, cingsim cujciz, gohyoz bae maeuzsuenq, cauxmoq gunghcoz gihci caeuq banhfap, gaem ndei aen hong cangzgveih guenjleix, yungh aen banhhag lijnen“guenjleix gangj gveihfan、fazcanj naek youq neihanz、vwnzva miz daegsaek” bae saedyienh hagdangz cangzgveih guenjleix ciduva、gveihfanva caeuq gohyozva, cingzcik yienhda.

Yinzbangj Siujyoz dieg youq Denhngoz Yen mbiengj doengnamz, liz yienhsingz 12 goengleix gyae, youz Luzbaiz Cin daeuj guenj. Baihlaj lij miz Luzye、Bazgvei song aen gyauyozdenj dem. Dangqnaj, hagdangz miz hagseng 254 vunz, 13 boux lauxsae, hagseng youq ndaw hagdangz ninz 122 vunz, lauxsae habgeklwd 100%.

Yinzbangj Siujyoz youq 1959 nienz laebbanh, 1998 nienz ginggvaq Gvangjdungh Swngj Fulenz、Gvangjsih Gih Fulen yien sienq dap giuz, ndaej daengz Yanghgangj Cindai Cizdonz Gunghswh gien ngaenz 30 fanh maenz, hwnj doengh laeuzsonhag ndeu 702 bingzfuengmij, 1999 nienz youh ndaej daengz Yanghgangj Cindai Cizdonz Gunghswh gien ngaenz caiq hwnj aen laeuzrugninz hagseng ndeu 630 bingzfuengmij. 2008 nienz, youh ndaej daengz Aumwnz Yizvaz(gozci) Fazcanj Youjhan Gunghswh gien ngaenz 30 fanh maenz hwnj doengh laeuz- cunghab he. Ndaw ranzsaw hagdangz gungh miz 2906 cek saw, bingzyaenz moix boux hagseng 9.8 cek, miz gak cungj sonhag yizgi 189 gienh, hagdangz ciemq dieg menciz 6667 bingz- fuengmij.

Hagdangz guenjleix ca ndei roek aen doedok:

1、Doengjit swhsiengj, daezsang nyinhrox, doedok gaijbienq gvanhnen;

2、Laeb gihgou caezcienz, dingh ok fangh’an, doedok cienzmienh anbaiz;

3、Hagsib dungyenz, doedok gvangjfan senhconz;

4、Lingjdauj yawjnaek, haenq- rengz cibcuk, doedok aenhong yamq hwnj mbaek lae moq;

5、Gyagiengz beizyin, doedok daezsang yezvu suijbingz;

6、Ra ok giz guh mbouj daengz, doedok coicaenh hozdung.

Hagdangz genhciz “seiq aen ca ndei” daeuj gveihfan hong guenjleix:

1、Ca ndei hagdangz guenjleix. Hagdangz daj goek daengz byai aeu guenjleix daeuj coi gveihfan, aeu guenjleix daeuj coi fazcanj, aeu guenjleix daeuj coi cizlieng, aeu guenjleix suijbingz daeuj guh muzbyauh, yiemzgek ciuqei aen《Cangzgveih Guenjleix Gveihding》bae caenh’itbouh guh gyagiengz hag- dangz hingzcwng guenjleix, gveihfan saeseng guenjleix, gyauyuz sonhag guenjleix, yiemzgek caizvu caeuq swhcanj guenjleix, mboujduenh giengzvaq hagdangz ancienz caeuq ndaw hagdangz guenjleix.

2、Ca ndei hong gamduk genjcaz. Hagdangz faen guh anbaiz、hagsib、gag caz、caezcienz daengj seiq aen gaiduenh, lai baez cujciz gyoengq lauxsae doiq gij hong cangzgveih guenjleix cingzgvang bae guh gamduk genjcaz、dazyinx, gibseiz fatyienh caeuq gaijgez gij vwndiz youq ndaw hong cangzgveih guenjleix, gveihfan caizliuh laeb dangjan daengj, coicaenh daezsang aen suijbingz daeuj guenj- leix hagdangz.

3、Ca ndei hong cwngjgaij. Cimdoiq genjcaz okdaeuj miz gij vwndiz haenx, yaucangj gibseiz lwnh hawj gyoengq lauxsae nyi, iugouz dawz vwndiz bae faengaij, lied ok cingdan, itdingh aeu cwngjgaij ndei.

4、Ca ndei gveihfan guenjleix. Hagdangz cizgiz ciuqei gyauyuzgiz doengjit anbaiz, doiqciuq “Cangzgveih Guenjleix Gveihding”, coihdingh caezcienz hagdangz 《Canghcwngz》, laebhwnj laebcaez hagdangz cangz- gveih guenjleix gak hangh gveihcangh cidu. Hagdangz gak caengz guenjleix yinzyenz faengoeng mingzbeg, cwzyin roengz daengz gak boux bae.

Ciengzsaeq guenjleix “bet aen miz”: Guenjleix suijbingz miz daez- sang; ancienz gyauyuz miz cauxmoq; ganq vunz vanzging miz youhva; hagdangz vwnzva miz binjvei; banhhag diuzgen miz gaijndei; hong dwzyuz miz yaugoj; saeseng mienhmauh miz bienqvaq; banhhag cizlieng miz daez- sang.

Hagdangz doenggvaq gyagiengz cangzgveih guenjleix, gveihfan sonhag hingzveiz, hai goqcwngz caez bae; gyagiengz yenzgiu sonhag, lauxsae yezvu suciz ndaej daezsang haujlai, hagdangz gyauyuz sonhag cinbu daih, hagdangz sonhag cingzcik lied youq ndaw cin vih doekgonq, hagdangz bizyezbanh bingzguj caeksawq mauh- gvaq ndaw si dingh ok gij muzbyauh haenx. Yinzbangj Siujyoz gonqlaeng deng bingz guh “Denhngoz Yen Dwzyuz Gunghcoz Senhcin Danhvei”、“Denhngoz Yen Cangzgveih Gvanjlij Youhsiu Yozyau”、“Hozciz Si Ginz- gungh Genyoz Senhcin Danhvei”、“Hozciz Si Gyauhdungh Vwnzmingz Sifan Yozyau”、“Hozciz Si Bujgiz Cuhdwngj Gyauyuz Gyauyoz Cizlieng Youhsiu Yozyau”, Hozciz Si Cangz- gveih Gvanjlij Youhsiu Yozyau、Hozciz Si caepguh “Doxhuz Bingzan Hagdangz” Senhcin Danhvei, Hozciz Si “Yauyenz Vwnzva Gensez Senhcin Yozyau”, Hozciz Si Yozyau Yaubwnj Goqcwngz Yenzgiu Senhcin Danhvei. Daj 2000 nienz hwnj daengz seizneix laebdaeb aeundaej Hozciz Si Siujyoz Bizyezbanh Suciz Bingzguj Caeksawq Daz(cauh)byauh Ciengj, daengx- gyoengq lauxsae cungj cienzbouh camgya sigaep “Yaubwnj Goqcwngz Caeuq Lauxsae Conhyez Fazcanj” goqdaez yenzgiu, youq gyoengq lauxsae ndawde miz 6 bien lunvwnz aeundaej sigaep ciengj, miz bien lunvwnz ndeu ndaej daeng youq gwnz ganhvuz gihgaep, miz 2 bien lunvwnz ndaej daeng youq gwnz ganhvuz sigaep, miz 2 boux lauxsae camgya sigaep ndawdangz sonhag doxdax aeundaej ngeih daengj ciengj; youq ndaw bi 2009 daengx yienh lauxsae gihbwnjgungh doxdax hozdung gwnzde, ndaw hagdangz miz boux lauxsae ndeu aeundaej Daengx Yienh Yijvwnz Ndawdangz it daengj ciengj, miz boux lauxsae ndeu aeundaej “Cih Sam Bit ” it daengj ciengj. Hagseng aeundaej Gvangjsih Gih Siujhagseng Byauhcunj Vahcuengh Caizyi Byaujyenj ngeih daengj ciengj, 2014 nienz Gvangjsih Gih Siujhagseng Byauhcunj Vahcuengh Gangjgoj Dox- dax it daengj ciengj.