4 nyied 16 hauh, Hinghyez Yen youq bonj yienh Sanhsinh Cin Yauguj Cunh Mbanjcangzdangz gawjbanh gaiq daih’it Mbanj- cuengh ciet fwen sam nyied sam canghfwen eu fwen doxdax. Daengx yienh 13 aen cin miz 15 aen doih camgya doxdax. Gyoengq canghfwen aeu gij fwen yenzswnghdai haenx, senhconz dangj cibbet daih cingsaenz、lajmbanj swnghdai、seveicujyi haedsim gyacizgvanh, danqhaenh minzcuz cwngcwz dangj. Eu fwen doxdax yienhciengz nauhyied dangqmaz, yinx haujlai vunz daeuj yawj, ndaej daengz vunzlai haenhndei. Ndaw doz dwg gyoengq canghfwen youq gwnz daizfwen doxdax eu fwen. (Hoz Saufung/何少凤)