4 nyied 7 hauh dwg liggaeuq ngeih nyied cibgouj, Dasinh Yen Baujhih Yangh gawjbanh le ciet guenyaem conzdungj minzsuz hozdung. Baujhih Yangh dwg Dasinh Yen aen yangh baujcunz Bouxcuengh vwnzva ceiq ndei ndeu. Cienzgangj ngoenz liggaeuq ngeih nyied cibgouj, dwg ngoenz guenyaem roengzdaeuj ndawbiengz, ngoenzneix, Baujhih Yangh cungj gawjbanh angqhoh hozdung. Aen fungsug neix gaenq miz geij bak bi nanz lo. Ngoenzde, miz guenyaem cunzyouz gouzfuk、doxdax eu fwen、doxdax dwk lwggyangq、bau aendomq daengj lai cungj lai yiengh hozdung, miz 3 fanh lai vunz daeuj yawj, nauhyied dangqmaz.(Cinz Civanj/覃志婉)