1、Danghgveih Daeuhfouh Hoj- goh:

Caizliuh: 20 gwz danghgveih, 250 gwz daeuhfouh, 400 gwz nohbya, di byaekhau ndeu, raet seizdoeng 5 duj, 2000 gwz dang nohgaeq, ciengqyouz caeuq gyu di he.

Guhfap: Sien swiq danghgveih seuq ronq baenz gaiq mbang bwh yungh; swiq nohbya seuq ronq baenz gaiq, cab daeuhfouh baenz gaiq iq, ronq byaekhau baenz donh, cimq raet unq caiq ronq baenz sei. Dwk dang nohgaeq roengz ndaw hojgoh le caiq dwk danghgveih roengz liux, hai feizhaenq cawj goenj gaij yungh feiznumq baek 20 faen cung, dangh- naeuz dang noix ndaej habdangq gya di, doeklaeng dwk diuzliuh, caiq dwk nohbya、daeuhfouh、raet、byaekhau roengz, cug le daek hwnj gwn. Ndaej bouj lwed vued lwed, raeuj ging dingz in. Hab boux mehmbwk lwedhaw ndang nyieg、 boux lau nit genga gyoet gwn, danhseih boux dawzsaeg ok lwed daiq lai mbouj ndaej gwn fuk neix.

2、Dang Daeuhfouh Dangz- nding:

Caizliuh: 250 gwz daeuhfouh, 30 gwz dangznding.

Sien cab daeuhfouh baenz gaiq iq, dwk raemx cawj le gya dangznding couh baenz gwn. Ndaej huz lwed、diuz ging、ok raemxcij. Hab boux mehmbwk dawzsaeg mbouj swnh、dungx ciengq in caeuq boux mehmbwk senglwg le raemxcij noix gwn. Ngoenz gwn 2 baez.

3、Dang Laeuj Duhndaem Gyaeqgaeq:

Caizliuh: 60 gwz duhndaem, 120 gwz laeujhaeux, 2 aen gyaeqgaeq.

Guhfap: Sien cawj duhndaem caeuq gyaeqgaeq cug, bok gvamq- gyaeq caiq dauq dwk roengz rek laebdaeb cawj daengz duhndaem naemz, dwk laeujhaeux gwn.

Ndaej bouj lwed ik heiq, raeuj yiengz doeng ging. Hab boux mehmbwk heiqlwed haw dawzsaeg in gwn. Ngoenz fuk.